Sua Exelénsia Vise Ministru Administrasaun Estatá, Jacinto Rigoberto Gomes de Deus, ofisialmente tesifita ba Obra Be’e Mos iha suku Haupu.
Sua Exelénsia Vise Ministru Administrasaun Estatá, Jacinto Rigoberto Gomes de Deus, ofisialmente inaugura obra Be’e mos ne’ebe hanesan obra PNDS regular iha Síklu VI, tinan 2024 iha aldeia Beturema, Suku Haupu, Postu Administrativu Letefoho, Munisípiu Ermera.
Obra PNDS regular Síklu VI, tinan 2024 ne’ebe inagura husi Vise Ministru Administrasaun Estatál.
Iha seremonia inagurasaun ba obra Be’e mos ne’e Vise Ministru Admnistrasaun Estatal hato’o apresiasaun no kontente ne’ebé kle’an tanba bele vizita Beturema ba dala uluk “Ha’u hare katak Suku Haupu mós populasaun boot, tuir lolos ohin ha’u labele mai, tamba iha hela reuniaun Koordenasaun Nasionál ba Programa Investimentu Munisipál 2026 nian ne’ebé mak lidera husi Sua Exelénsia Ministru MAE, maibé hare ba ita boot sira-nia ezizensia hakarak Membru Governu atu mai hare imi nia rezultadu servisu. Vise Ministru mos hatutan ho obra ne’ebe ekipa PNDS implementa iha suku Haupu Ha’u tenki mai, hare rezultadu hatudu katak komunidade sira kontente, tanba bele realiza ona sira-nia mehi oituan-oituan”.
Vise Ministru mos hatutan lori IX Governu nia naran kongratula no apresia ekipa implementasaun tomak, inklui xefe suku, xefe aldeia no komunidade suku Haupu ba servisu ho responsabilidade hodi kompleta projetu ne’e ho susesu. Vise Ministru mos atu tau matan mos ba obra Be’e mos ne’ebe foin ita inagura ba atu nune’e obra sira ne’e bele dura no uja ba tempu naruk.
Partisipa iha seremónia inagurasaun obra Bee Moos ne’e, Sekretaria Asuntu Sosiál Munisípiu Ermera, Administradór Postu Letefoho, Komandante PNTL, reprezentante Diretór PNDS Munisípiu, Autoridade Lokál Postu Letefoho, Funsionáriu Suku, Lia Nain no Komunidade.
