Vice Ministru, Tomas do Rosario Cabral Akompanha Husi Koordenador Geral e Diretora PNDS, Dulce Guterres Junior no Administrador Munisipiu Baucau, Koa pita Simbolu Inagurasaun Iha Suku Buibau, Postu Administrativo Baucau Vila, Munisipiu Baucau.
Projetu PNDS husi faze II ne’ebé implementa iha Munisipiu Baucau simbolikamente Ofisial inagura husi Vice Ministru da Administrasaun Estatal, Tomas do Rosario Cabral iha Suku Buibau, Postu Administrativo Baucau Vila, Munisipiu Baucau (28/10/2015).
Total Projetu hamutuk 20 ne’ebé kompostu husi Sentru Komunitariu, bee mos, estrada rural, ponte kiik no seluk tan simbolika inagura iha Suku Buibau, Postu Baucau Vila.
Vice Ministru Tomas Cabral ne’ebé inagura projetu hirak nee sente Kontente tebes tanba povu hatudu sira nia vontadé partisipasaun hodi involve direíta iha prosesu dezenvolmentu nasaun ninia, Programa PNDS fó kbiít nomos benefisiu direíta ba komunidade tanba komunidade mak nain ba programa ne’e, ho nune governo sei mantein nafatin programa ida ne’e tamba programa PNDS sai hanesan investimentu ba dezenvolmentu Estratejéiku. Vice Ministru hateten “Imi hatudu duni imi nian vontade atu dezenvolve tanba ho orsamentu oituan, imi bele konstrui obra ida ne’ebé boót hanesan ne’e”.
Iha oportunidade ne’e mos Administrador Munisipiu Baucau, Antonio Guterres, husu ba komunidade sira katak tengki hatudu komitmentu no konsensia nee’bé forte hodi kuidadu obra hirak neebe hari’I ona iha suku ida ne’e nune’e bele dura ba tempu naruk tanba komunidade mak sai nain ba obra ida ne’e no uja hodi benefisia komunidade”.
Orsamentu infrastrutura ne’ebé aloka ba iha suku 11 iha postu administrativu baucau ne’e ho nia montante $535.000.00. orsamentu ida ne’e inklui
Vice Ministru Administrasaun Estatal, Tomas do Rosario Cabral, Asina Plaka simbolu Inagurasaun ba Programa PNDS iha Suku Buibau, Munisipiu Baucau.
fundus rua mak hanesan : Fundus Operasional ho nia montante : $61,250,00. (Utiliza ba iha servisu Administrasaun iha Suku) Fundus Infraestrutura ho nia montante : $473,750.00 (Utiliza ba sosa materias Konstrusaun ho selu Trabalhadores sira). Husi total fundus infraestrutura iha leten ($473,750.00), komunidade aloka ba iha infraestrutura báziku oi-oin hamutuk iha projetus 20, (Seitor Saude : 1, Seitor Edukasaunn, Kultura ho Desportu : 0, beé mos : 7, Seitor Agrikultura no Seguransa Alimentar : 0, Seitor Obras Publika hanesan Estrada Rural, Kontrola de Cheias : 1, MSS = 0, Seitor Seluk : 11).
Hafoin inagura ofisiál projetu programa PNDS iha Munisipiu Baucau, Vice Ministru Administrasaun Estatal entrega simbolika xave postu saude ba Sr. Gelagio Ribeiro, Nudar Direitor saude Municipiu Baucau, atu utiliza fatin ida ne’e hanesan fatin atendementu sentru saude ba komunidade iha suku Buibau ninia.
