Enkontru ba dahuluk S. Ex. Vice-Ministro da Administração Estatal, Sr. Tomás do Rosário Cabral ho funsionario PNDS
Lia fuan hirak ne’e fosai, bainhira S. Ex. Vice-Ministro da Administração Estatal, Sr. Tomás do Rosário Cabral, lansa enkontru ba dahuluk hamutuk ho funsionáriu PNDS Nasionál, Kordenadór PNDS Munisípiu 12 ho Kordenadór PNDS husi Região Administrativa Especial Oé-cusse Ambeno (RAEOA), iha salaun enkontru Ministériu da Administrasaun Estatál-Dili (10/08/2015).
Iha enkontru ne’e S. Ex. Vice Ministru informa katak bazeia dekretu lei N.O 30/2015 Governu halo alterasaun ba artigu balu iha Dekretu Lei PNDS N.O 8/2013, no husi artigu ne’e Vice Ministru informa programa PNDS hanesan programa ne’ebé konsentra iha base hodi tau atensaun liu ba iha infraestrutura báziku, tanba nee presija hadi’ak kualidade servisu atu nune’e bele prepara didi’ak Munisípiu sira hodi simu polítika governu ninia ba iha desentralizasaun, tanba iha polítika ne’e governu hakarak fo ona kompetensia balun ba iha Munisípiu ida-idak oinsá sira bele deside no dezenvolve rasik sira nia munisípiu, ninia pratika konkretu mak liu husi implementasaun Programa PNDS.
Diretor PNDS Munisipiu Baucau, apresia ho orientasaun husi S. Ex. Vise Ministru da Administrasaun Estatal kona-ba dezenvolve kordenasaun servisu ho autoridade lokal iha Munisipiu
S. Ex. Vise Ministru mós orienta funsionáriu PNDS liu-liu iha nivel Munisípiu atu dezenvolve no fortifika liu tan liña kordenasaun servisu ho autoridade lokál sira tantu iha nivel Munisípiu nomós Postu Administrativu, Kordenadór PNDS sira kontente simu orientasaun ida ne’e, tanba ho orientasaun ne’e sira bele koopera di’ak liu tan hodi nune’e bele asegura implementasaun programa PNDS iha Suku ho susesu.
Hola parte iha enkontru ne’e Diretora PNDS, Diretór SAIM, Diretór Suku, Diretór DNAL, Diretór Delegasaun 12 Munisípiu No Diretór Delegasaun PNDS RAEOA, inklui Xefe Departamentu nomós funsionáriu PNDS iha nivel nasionál.
