Vice-Ministru Administrasaun Estatal Lino de Jesus Torrezão Tesi Pita Simbolu Inaugurasaun Be’ Mos iha Suku Beremana, Postu Turiscai, Munisipiu Manufahi.
Suku Beremana kompostu husi aldeia tolu ho total populasaun 897 husi uma kain 210, ne’ebe konstrui ona kanalizasaun be’e mos Sistema bomba ho total orsamentu U$ 41,926.55 no Gastus U$ 41,829.10 no nia Balansu hamutuk U$ 97.15, projeitu ne’e ofisialmente inaugura husi Vice-Ministru Administrasaun Estatal Lino de Jesus Torrezão iha suku Bermana, Postu Turiscai, Munisipiu Manufahi 22/07/2020.
Vice-Ministru Administrasaun Estatal Lino de Jesus Torrezão reafirma katak, ita hatene projeitu hirak ne’ebe konstrui liu husi programa PNDS nudar oportunidade ba komunidade ne’ebe governo deskonsentra serbisu institusional nian no oras ne’e dadaun Ministeriu hotu serbisu hamutuk ho Ministeriu Administrasaun Estatal, atu bele deskonsentra serbisu to’o iha nivel komunidade. PNDS nudar programa governo nian ne’e hakbesik dezenvolvimentu iha komunidade nia le’et, tanba ho programa ida ne’e komunidade rasik mak halo jestaun ba implementasaun projetu sira iha suku laran.
Iha oportunidade hanesan Administrador Munisipio Manufahi, Arantes Izaac Sarmentu husu ba komunidade sira atu kuidadu didiak obra sira ne’ebe hari ona iha Munisipio Manufahi, Postu Turiscai, Suku Beremana ne’ebe hari’i ho osan Estadu liu husi programa PNDS. Iha biban ne’e administrador Munisipio Manufahi hato’o agradesimentu ba PNDS no Parseiru sira ne’ebe fo apoiu tekniku hodi bele halao programa ne’e konsentra iha baze hodi fo oportunidade ba komunidade sira partisipa aktivu iha dezenvolvimentu liu husi infraestrutura basica sira ne’e komunidade rasik hari’i ona. Arantes Izaac Sarmentu konsidera obra ne’ebe hari’i ona nain mak komunidade nune’e komunidade sira iha responsablidade atu kuida obra hirak ne’e hodi bele uza ba tempu naruk.
Diretora Atual PNDS Nasional, Claudina Soares Pinto Ofisialmente Loke Torneira Be’e Mos iha Suku Beremana, Postu Turiscai, Munisipiu Manufahi.
Director geral Agua no Saneamentu, Gustavo da Crus ne’ebe marka mos prezensa iha serimonia inaugurasaun ne’e fortifika katak be’e mos no saneamentu sai prioridade dahuluk ba programa oitavu Governu Konstitusional, tanba asuntu be’e nudar nesesidade importante ne’ebe maka ita nia komunidade presija.
Tuir Gustavo da Cruz, kanalizasaun be’e mos Sistema bomba ne’ebe hari iha Suku Bermana pelumenus bele responde ona necesidade komunidade nia konaba be’e mos ho nune’e neneik no bebeik ita bele atinji ita nia planu dezenvolvimentu nasional ho objetivo dezenvolvimentu sustentavel ne’ebe mensiona tia ona iha ita nia planu sira,
Vice-Ministru Administrasaun Estatal inaugura projetu be’e mos ne’e akompanhadu husi Diretora Nasional ST-PNDS, Director geral Agua no Saneamentu, Administrador Munisipio Manufahi, Administrador Postu Turiscai, Segundo Komandante PNTL Munispio Manufahi, Reprezentante Embaixada Australia, Sosiadade Sivil, Chefe do Suku Beremana inklui komunidade local Bereman, Veteranos no Funsionario PNDS Nasional, Munisipio no Postu, Iha inagurasaun ba konstrusaun Be’e Mos ne’e hetan Kontribuisaun Orsamentu husi Suku Beremana ho Total U$ 2.220 ba iha inagurasaun refere.
