Ekipa Teknikal Audit halo intervista ho Benifisiariu kona-ba Uma Profesor.
Deklarasaun kona-ba benefísiu uma profesores ne’ebe hari’í iha suku Lela-Ufe, Postu Nitibe, Regiaun Espesial Oecusse iha Teknikal Audit ba projetu PNDS ne’ebe implementa iha Regiaun Espesial Oecusse, Ambeno.
Iha Teknikal Audit ne’e, Batista Neno Kefi hanesan profesor ne’ebe ukupa uma profesores ne’ebe hari’í liu husi orsamentu PNDS katak uma profesores ne’ebe hari’í iha sira nia suku nudar exemplu uniku dezenvolvimentu ne’ebe governu halo atu bele alkansa dezenvolvimentu iha nivel baze.
Ekipa Auditoria Tekniku Hala’o Inspeksaun hodi sukat medidas husi Mini Mercado iha Suku Lela-Ufe, Aldeia Bebo.
Batista Neno Kefi nudar benefisiáriu ne’ebe hela iha uma profesores ne’e espera nia sentimentu kontente tanba ho uma ne’ebe hari’í bele fasilita nia atividade hanesan profesor, nune’e Batista hato’o agradese ba governu tanba bele hari’í uma profesor iha sira nia suku.
Tuir Batista Neno Kefi katak uma profesore iha fatin ne’e antes ne’e iha kondisaun ne’ebe la diak tanba wainhira akontese udan bo’ot, udan be’e sempre turo halo bokon uma laran tanba tali tahan ne’ebe uja hodi taka uma nia kakuluk iha kondisaun ne’ebe a’at ona, maibe liu husi implementasaun programa PNDS iha suku Lela-Ufe hodi konstrui uma profesor ne’e, profesor ne’ebe hela iha uma ne’e sente seguru liu no hakmatek hodi halaa’o nia tividade hanesan profesores.
Atividade teknikal audit ne’ebe hala’o iha Regiaun Espesiál Oecusse konsentra iha suku Lela-Ufe, Postu Nitibe, RAEOA mak uma profesores iha aldeia Queno no Mini Mercado iha aldeia Bebo. Enkuantu iha suku Usi-Taco aldeia Cuantua instalasaun be’e mos. Postu Oesilo, Suku Usi-Taqueno mak klínika maternidade. Iha Postu Passabe suku Malelat mak estrada Rural (Estrada Betaun) nune’e mos iha Postu Pante Makassar Suku Costa konstrusaun Estrada Rural Betaun enkuantu iha suku Cunha Aumenta sala Escola primaria. Atividade teknikal audit ne’e sei kontinua iha munisípiu Dili Postu Atauro hahú iha 22/05/2017.
