PNDS hanesan programa nasional governo nian ne’ebe’ mak komesa ho nia aktividade pilotu iha tinan 2013 atravesa iha V Governo Konstitutional nia mandatu liu husi rezolusaun 01/2012 Janeiro 2012 ne’ebe’ permite governo atu fo opurtunidade ba suku atu hakbi’it komunidade sira, Chefe suku no konselu suku hodi deside, planea no ejekuta rasik subsidiu mak governo koloka. Husi kedas neba’a Governo Autralia liu husi nia programa Fundu Dezemvolvimentu humanitario ka AUSAID halo kedas nia intervensaun hodi suporta PNDS liu husi akordu Bilateral nasaun rua. Komesa ho implementasaun piloto to agora PNDS konsege atrai entidades barak nia atensaun ne’e indika husi partes barak nia persepsaun mai PNDS, hahu husi komunidade sira iha nivel suku to iha Politik sira iha Parlamentu Nasional, ne’ebe’ sempre tau fundu ba PNDS iha Orsamentu Geral do Estado kada tinan.
Hanesan matadalan PNDS hatu’ur nanis ona, kada tinan wainhira komesa siklu implementasaun sempre inisia ho treinamentu iha nivel nasional to iha suku. Tinan ida ne’e implementasaun Faze 1 (Fundu husi GovAus) no Faze 2 (Duadecimo) siklu da tolu ST.PNDS komesa ho treinamentu Re-fresaun Manual Operasaun Programa (MOP) iha fulan Junho 2020, nebe’e mak tuir los aktividade treinamentu ne’e akontese iha fulan Marsu tinan 2020 liu ba maibe lakonsege relasiona ho pandemia Covid-19, treinamentu ne’e komesa hikas fali iha terseiru semana fulan Junho tinan ne’e no kontinua kedas treinamento hanesan iha nivel sub nasional iha teritoriu tomak iha loron 23 to 26 fulan Junho.
Iha intervensaun Adjuntu Administrador Munisipiu Dili, Zeca Smith ba sesaun abertu resiklajen MOP ne’e hato’o nia obrigado wain ba servisu parseria mak Governo Australia halo liu husi PARTISPA no kontinua husu apoio ba PARTISPA hodi tau mos Asesor ida iha Munisipiu Dili relasaun ho politika desentralizasaun. Baseia ba orario implementasun resiklajen MOP treinamentu sesaun hahu’u ho aprezentasaun Sosial, maibe munisipiu Dili komesa ho aprezentasaun materia Finansas, hanesan pesoal nebe’e aprezensa sesaun dahuluk sente orgulho tebes hodi komesa sesaun resiklajen MOP training inklui komesa mos relasaun servisu hamutuk entre FST no PNDS municipiio Dili.
Espera tebes ida ne’e hanesan inisio nebe’e diak, hodi bele hametin liutan serbisu hamutuk entre funsionariu PNDS no ekipa FST nebe’e mak halo servisu apoio direta ba PNDS Munisipiu Dili kontinua husu intervensaun no apoio husi superior no kolegas ekipa FST tomak nune’e prezensa parseria iha programa PNDS bele fornese dunik asistensia ida ho kualidade iha nivel nasional no munisipiu hotu liu-liu munisipiu Dili.