Partisipante Sira Akompanha hela Aprejentasaun material neebe hatoo husi Treinador
Treinamentu kona-ba Lideransa no Abilidade supervizaun ba fungsionariu PNDS kargo Chefia ne’ebé hala’o durante loron rua ofisiál abertura husi Direktora PNDS, Dulce Guterres Junior iha ETDA Dili (17/12/2015.
Iha abertura treinamentu nee Direktora PNDS, Dulce Guterres Junior hatete treinamentu nee importante hodi hasa’e koineshementu jestor sira iha area lideransa no kapasidade supervisaun ida ne’ebé di’ak. Ho nune Diretora husu ba partisipante sira atu fo tempu tomak hodi partisipa aktivo atu bele akapta materia ne’ebé treinadór sira fo nune bele aplika iha sira nia knar nudar jestor iha PNDS.
Partisipante sira rona hela aprejentasaun materia treinamentu konaba Lideransa no kapasidade supervizaun
Iha parte seluk treinadór ba treinamentu nee, Jovino espera katak sesaun treinamentu loron rua nee inportante tebes ba partisipante sira atu bele fo konsentrasaun masimu hodi bele akapta di’ak matéria hirak ne’ebé sira aprejenta iha treinamentu nee.
Alende treinamentu ho topiku rua iha leten, iha loron ikus Eis Presidente Komisaun Funsaun Publika, Liborio Pereira halo mos aprejentasaun kona-ba integridade, profesionalismo no etika serbisu nudar esforsu hodi garante papel lideransa no supervizor ne’ebé efetivo no efisiente.
Treinamentu lideransa no abilidade supervisaun nee partisipa husi Chefe Unidade rua no Chefe departamentu nen husi Sekretariado Nasional PNDS no Koordenador PNDS Munisipiu 12 no Koordenador PNDS Rejiaun Espesial Oecusse Ambeno.
