Serimonia enserramentu treinamentu ba FTPA iha Tibar, Munisipiu Liquisa
Iha loron 11 Fulan Setembru 2015, Treinamentu kona ba Jestaun Obra ba fasilitadór tékniku postu Administrativu (FTPA) ne’ebé hala’o iha Centro Nasionál de Emprego e Formaçao Profissional Tibar (CNEFP-Tibar), ofisiálmente taka husi Kordenadóra Jeral Programa Nasionál Dezenvolvimentu Suku, Dulce Guterres Junior.
Iha enserramentu ne’e, Kordenadóra Jeral PNDS, enkoraja fasilitadór tékniku sira atu servisu maka’as hodi nune’e bele asegura implementasaun programa PNDS.
“Treinamentu ne’ebé imi hetan, aumenta tan imi nia abilidade atu nune’e bele fasilita komunidade sira iha suku ho di’ak liu tan”, Dulce Guterres Junior, Kordenadóra Jeral PNDS.
Programa treinamentu ida ne’e hetan apresiasaun husi partisipante sira, tanba bele dezenvolve tan kapasidade liu-liu iha area tékniku, atu nune’e sira bele fasilita komunidade sira hodi asegura implementasaun programa PNDS iha Suku hotu.
“Ami apresia tebes ba treinamentu ne’e tanba bele aumenta tan ami koñesimentu, espesífiku liu iha area tékniku oinsá formula planu no jestaun kona ba obra ida ne’ebé komunidade atu hari’i”, Francisca Agata S. Silva Soares, Fasilitador Tékniku Postu Administrativu Ermera Vila, Munisípiu Ermera.
Kordenadora Jeral PNDS, Dulce Guterres Junior, fo hela sertifikadu ba partisipantes
Iha serimónia ensrramentu ne’e partisipa mós diretora sistema pagamentu fundus dezenvolvimentu kapitál humanu (FDCH), Alcina Madeira hanesan reprezentante sekretária ezekutivu FDCH, iha ninia intervensaun apresia tebes tanba treinamentu ne’e la’o ho susesu.
Treinamentu ne’e la’o durante semana rua nia laran, total partisipante sira ne’ebé partisipa iha treinamentu ne’e hamutuk ema 33, FTPA hirak ne’e mai husi Munisípiu 12 ho Região Administrativa Especial Oé-cusse Ambeno (RAEOA), liu-liu iha Postu Administrativu ne’ebé ninia suku implementa Programa PNDS iha faze 3.
Treinamentu ida ne’e realiza ho susesu tanba hetan apoiu finanseiru husi governu Timor Leste, liu husi fundus dezenvolvimentu kapitál humanu (FDCH).
-
- Duarte dos Santos, hanesan Chefe Departamentu ba komunikasaun fo hela serfikadu ba partispantes
-
- Sr. Rosito Guterres, hanesan Chefe Departamentu M&A fo sertifikadu ba partispantes
-
- Sr. Jose S. Tito Barreto, hanesan Diretor CNEFP, hato’o hela lia menon ba partisipantes sira molok atu fahe malu
-
- Foto hamutuk hafoin remata intrega serfikadu ba partisipantes sira
-
- Alcina Madeira, nu’udar Diretora Sistema Pagamentu FDCH, fo sertifikadu ba partisipantes
-
- Francisca Agata S. Silva Soares, hanesan fasilitador tekniku husi Postu Administrativu Ermera Villa, fo apresiasaun ba materia treinamentu ne’ebe sira hetan durante semana rua nia laran.
