Engineiru sira rona hela instrusaun husi treinador oinsa prosesu halo Bajaringan uma kakuluk nian
Tipu treinamentu bajaringan hanesan tipu treinamentu spesifiku ba engineru Munisipiu no Nasional oinsá mak bele kapasita diak liután tékniku sira hodi fasilita komunidade sira oinsá bele monta estrutura uma kakuluk ho diak.
Marsiu J. Marcal nudar partisipante ba treinamentu espresa nia sentimentu katak treinamentu nee esensiál tebes ba sira hanesan tékniku tanba tipu treinamentu nee bele fasilita diak litan sira oinsá sira bele iha koineshementu kona-ba oinsá monta bajaringan ba uma kakuluk, espera katak husi treinamentu nee engineiru sira bele hala’o sira nia kna’ar ho diak liu hodi fasilita komunidade sira.
Engineiru Flavio Amaral Kado hela Bajaringan (Besi Kman) hodi uja ba fabrikasaun uma kakuluk
Nune’e mos partisipante Martinho de Deus hanesan engineiru Munisipiu Ermera reforsa kataktreinamentu nee kapás los, nune’e nudar engineiru Munisipiu persija hatene kona-ba oinsá mak bele monta bajaringan uma kakuluk nian hodi bele halo fasilitasaun no orientasaun ba komunidade sira bele wainhira konstrui obra uma ruma ne’ebé komunidade sira propoin hodi hari’i iha sira nia suku.
Kestaun inportante seluk husi tipu treinamentu bajaringan nee mak kondisaun actual iha Timor Leste ita nia ai bobot sira kuaze menus ba bebeik nune’e modelu uza bajaringan bele redús komunidade sira tesi ai hodi kontribui ba prezerva natureza.
Tipu treinamentu nee fahe ba etapa rua nebe halao durante semana ida, etapa primeiru halao iha loron 3 to’o loron 7 fulan Julho no etapa segundo halao iha loron 10 to’o loron 14 fulan julho 2017.
