Direktur Interino, Marcio J Marcal halao abertura enkontru Koordenasaun Fulan Agusto Iha salaun Enkontru Joao Paulo II Comoro.
Ida nee mak orientasaun ne’ebé fo sai husi Diretór Interino PNDS, Marcio J Marcal, Iha enkontru koordenasaun Nasionál ba fulan Agustu ne’ebé hala’o iha salaun Joao Paulo Segundo Comoro Dili, (26/08/2016).
Diretór Interino PNDS, Marcio J. Marcal iha nia Intervensaun hateten katak Serbisu boot ne’ebé PNDS sei hasoru iha fulan oin mak Persija aslera lalais Submisaun Dokumentus Faze 2 siklu 2.
Ho Nune’e Direktur Interino PNDS, Marcio J.Marcal Orienta ba Direktur Delegasaun PNDS Munisipiu atu fo atensaun ba dokumentus submisaun faze 2 siklus 2, no tengki submete ona dokumentus segundo submesaun ba segundu transferensia, tanba prosesu hirak nee ita depende ba ministériu das finansas nia oráriu atu bele prosesa segundo tranferensia orsamentu suku ba konta bankaria suku nian. Satan prosesu hirak nee mos sei submete liu husi Diresaun Finansas Ministeriu Administrasaun Estatal nune’e persija aslera lalais submisaun dokumentus Husi Diretór Delegasaun sira.
Direktur Delegasaun PNDS Munisipiu aprejenta progresu implementasaun PNDS iha Kada Munisipiu.
Dokumentus segundo submesaun nee, iha ona diretór lubuk ida mak sumete ona maibé hela balun mak seidauk submete tanba nee husu ba diretór delegasaun sira atu submete lalais dokumentus submesaun ba segundu tranferensia hahú tuir data ne’ebé determina antes loron 16 fulan Setembru.
Iha oportunidade nee mos Diretór Interino PNDS, Marcio J Marcal hato’o agradesementu ba aktividade ne’ebé halo relasiona ho programa Fundus kapitál humano nia hodi halo sosializasaun no treinamentu ba enumeradores sira hodi foti dadus kona-ba dadus rekursu humano iha Timor Leste.
Tuir Direktur Interino, konfiansa ne’ebé fundus kapitál humano fo ba PNDS, liu husi esforsu funsionáriu PNDS nia bele ultrapasa ona programa nee iha parte sosializasaun no treinamentu ba enumeradores sira, espera katak aktividade tuir mai hodi kontinua rekoilha dadus bele hamosu rejultado no dadus ne’ebé kredibel.
