Dulce Guterres Junior Nudar Diretora Nasional PNDS, Hala’o Intervensaun iha Atividade Workshop ba Pontu Fokal Jeneru inkluzaun Sosial iha Salaun Timor Plaza, Dili.
Workshop ba pontu fokal Jeneru Inklujaun Sosial JIS ne’ebé mak partisipa husi Diretora Nasional ST-PNDS, Team Leader PARTISIPA, Chefe Unidade, Chefe Departamentu, Prezidente KPA, Tezoreira EIP, Ema ho Deficienti, Pontu Fokal JIS (FSPA), Pontu Fokal JIS (MIS), Ofisial Sosial Nasional, FST-FC no Assesor Sosial, realiza iha salaun enkontru Orchid Room Restaurant Timor Plaza Dili; 5/12/2019
Objektivo husi workshop ne’e atu akumula hanoin sira hotu ne’ebé mak pontu fokal JIS sira infrenta atu re’eve planu asaun annual JIS nia ne’ebé mak envolve Mane, Feto no Ema ho Difisiente atu sai servidor ba Estado no Governu ne’ebé diak liu husi programa PNDS hodi servi komunidade iha suku no aldeia.
Pontu Fokal ba Jeneru Inkluzaun Sosial, Vitoria Da Costa Gomez, Hala’o Aprezentasaun iha Workshop JIS iha Salaun Timor Plaza.
Iha intervensaun ne’ebé hato’o husi Diretora Nasional ST-PNDS, Dulce Guterres Junior ba partisipante sira iha workshop ne’e katak, ho esperensia no koniesementu hotu ne’ebé iha ona oinsa pontu fokal JIS hamutuk ho Ema Difisente atu reve’e planu asaun anual ba tinan 2020-2021 bazea ba prioridade ne’ebé komunidade presija iha suku no aldea, espera katak ho workshop ne’ebe lao durante loron rua bele akumula hanoin hotu sai planu ne’ebe ke diak no perfeitu atu nune governu bele implementa.
Alende ne’e Diretora Nasional ST-PNDS, Dulce Guterres Junior hatutan iha workshop laran katak PNDS sedauk hetan partisipasaun Feto no Ema Difisiente tuir targetu ne’ebé iha, hanesan servidor estado ne’ebe diak presija tun ba baje hodi servi komunidade sira iha suku no aldeia, iha tinan 2019 partisipasaun feto nia hanesan trabalhadores foin atinji 27%.
Partisipante Sira Antusias Tuir Workshop Konaba Jeneru Inkluzaun Sosial (JIS).
Iha intervensaun ne’ebé loke Workshop husi Team Leader PARTISIPA, Fiona Hamliton katak, rajaun PARTISIPA sai parseiru no sempre suporta programa PNDS, tamba PNDS hanesan Programa Governu nia no Programa Povu Timor Oan nia, alende ne mos Governu Australia sempre apresia ho esforsu PNDS ne’ebe akumula Ema ho Difisiente, Mane no Feto hodi partisipa iha atividade programa PNDS ho maximo no benifisia tebes, tamba ida ne’e PNDS hanesan naroman iha komunidade area rural hodi lori dezenvolvimentu bazika sira ne’ebe timor oan iha area rural presija tebes.
Entertantu Pontu Fokal GIS, Vitoria da Costa Gomes esplika kona ba Meta PNDS katak, Hadia kondisaun sosio-ekonomiku no hakbesik Governasaun lokal ba Mane, Feto no Ema ho Defisiente iha suku, Timor-Leste liu husi infraestrutura ne’ebe komunidade mak meneja, iha postu rua ne’ebé importante husi Meta PNDS ne’e rasik mak Indikador Alvu ba Jeneru no Indikador Alvu ba Inkluzaun Sosial (Ema ho Defisiensia).
Ekipa jestaun suku/Tezoreira EIP, Sra.Marquita Guterres hanesan Defisiente Matan haktuir katak, senti orgulhu no kontenti tebes bele partisipa iha programa PNDS, tamba bele kapasita diak liu hau hodi lori programa PNDS ba Dezenvolvimentu Nasional, hanesan Ema Defisiente matan, hau iha oportunidade hodi servisu nudar Tezoreira EIP iha suku Uailaha hodi hare konaba sistema Be’e mos, alende ne’e komunidade Suku Uailaha ho sira nia inisiativa rasik servisu kontribui ba Dezenvolve iha ami nia suku.
