Work Shop kona ba Plano Asaun Annual ba Pontu Focal Jeneru no Inkluzaun Sosial (JIS) ne’ebe’ halao iha Salaun Enkontru ETDA Dili, 10-11/03/2016
Sekretariadu Tékniku Programa Nasionál Dezenvolvimentu Suku (ST-PNDS) hala’o workshop durante loron rua (2) ba Pontu Vogál Jéneru husi Munisípiu 12 ho Rejiaun Espesiál Oe-cusse, Objetivu husi work shop ne’e mak atu dezenvolve Planu Asaun Annual Jéneru no Inkluzaun Sosiál (JIS) iha implementasaun programa PNDS, (Etda, Dili-Timor Leste, 10-11/03/2016).
Silvia Antonia Da Costa Soares, nudar Ofisiál Treinamentu no inkluzaun (Training and Inclusion Officer) husi Fundasaun Ra’es Hadomi Timor Oan (RHTO), ne’ebé sai hanesan oradór iha formasaun ne’e kontente bele involve direita iha workshop ida ne’e tanba iha implementasaun programa PNDS fó importánsia bo’ot tebes ba envolvimentu maluk feto sira nomos maluk sira ho defisiensia, liu-liu oinsá dezenvolve kapasidade maluk birak ne’e, atu nune’e sira bele envolve ativu iha prosesu dezenvolvimentu nasaun.
Pontu vogál Jéneru, Vitoria da Costa Gomes hanesan mos reprezentante Diretora PNDS, hatete katak: “Programa ne’e hala’o atu fó informasaun ba pontu vogál sira hotu oinsá atu hakléan koñesimentu kona-ba igualdade jéneru no inkluzaun sosiál iha implementasaun programa PNDS.” Nia hatutan : “Programa ida ne’e realiza atu defini hamutuk planu
Ofisial Treinamentu husi Fundasaun Raes Hadomi Timor Oan (RHTO), Silvia Antonia da Costa Soares, halo hela intervensaun konaba implementasaun Programa PNDS neebe konsidera mos kestaun balun neebe ligadu ho ema ho defisiente
estratéjia ho planu asaun ba jéneru iha implementasaun programa PNDS atu nune’e maluk feto sira ho maluk defisiensia sira bele partisipa ativu liu tan iha prosesu tomak iha implementasaun programa PNDS iha nivel aldeia ho suku.”
Workshop ida ne’e hetan entuziazmu tebes husi partisipante sira tanba iha prosesu diskusaun nia laran hetan ideia barak, no ideia hirak ne’e dezenvolve hamutuk hodi defini sai hanesan planu estratéjia no envolvimentu jéneru iha implementasaun Programa PNDS.
Dezenvolvimentu nasaun foun ida ne’e la’os responsabilidade ema ida ninia, maibé responsabilidade ita hotu ninia tantu ferik-katuas, foin sa’e, maluk feto sira inklui mós ita maluk sira ho defisiensia, ida ne’e mak prinsípiu.
Total partisipante ne’ebé partisipa iha work shop ne’e hamutuk ema 30 resin, alende pontu vogál 15 husi Munisípiu 12 ho Rejiaun Espesiál Oe-Cusse, inklui mós Ekipa Suporta Terrenu (Field Support Team (FST)) husi Ajénsia Cardno nomos Ana Paula Sequeira, nu’udar reprezentante husi Gabinete Primeiru Ministru.
