Partisipante Treinamentu rona hela intervensaun konaba material treinamentu ba sistema reklamasaun keixa, iha ETDA Dili
Treinamentu Sistema Reklamasaun keisa (SRK) iha programa PNDS no oinsa bele halo gestaun ida diak hodi responde keisa ka reklamasaun husi
komunidade konaba programa PNDS, neebe realiza iha ETDA Dili (24/05/2016)
Objetivo prinsipal husi treinamentu nee mak oinsa patisipante sira kompriende definisaun no konseitu Sistema reklamasaun keisa ho nia prosesu hatoo keisa iha PNDS liu-liu format neebe sei utuliza, inklui kompriende autor principal Sistema reklamasaun iha kada nivel ho sira nia knaar.
Chefe Unidade Operasional Programa PNDS, Rosito Guterres, neebe reprejenta Diretora PNDS hodi abertura treinamentu nee hateten Sistema reklamasaun keisa nee hanesan format foun neebe persija akompnha ho esperensia iha terreno atu bele hadiak liutan formatu atenden reklamasaun ka keisa mai husi komunidade, atu nunee bele identifika no verifika reklamasaun hirak tama iha kategoria problema ou lae.
Intervensaun husi Chefe Unidade Operasional PNDS, Rosito Guterres, wainhira abertura Treinamentu Sistema Reklamasaun Keixa iha ETDA, Dili
Ho nunee Chefe Unidade Operasional nee husu atu partisipante sira liu-liu Direktur Delegasaun sira partisipa masimu tanba Direktur Delegasaun PNDS iha Munisipiu mak hanesan gestor masimu atu rejolve uluk reklamasaun ruma neebe konsidera hanesan problema molok too iha nivel Nasional.
Treinamentu durante loron tolu nee alende partisipa husi Diretur Delegasaun Munisipiu, partisipa mos fungsionariu MIS Munisipiu tanba MIS Munisipiu iha mos knar inportante hodi suporta Direktur Delegasaun PNDS Munisipiu ho kontinua halo mos treinamentu kontinuasaun ba fasilitador social sira iha nivel postu Administrativo atu bele kompriende diak konaba atende keisa ka reklamasaun husi komunidade.
