Director Geral Agensia Dezenvolvimento Nasional, Samuel Marcal, Ofisial halao abertura Enkontru Koordenasaun Nasional PNDS
Sekretariadu Tékniku Programa Nasionál Dezenvolvimentu Suku (ST-PNDS) realiza enkontru kordenasaun nasionál ba fulan Juñu iha Hotel Arbiru Dili (25/06/2015).
Enkontru kordenasaun nee rasik ofisiálmente abertura husi Director Jeral Ajénsia Dezenvolvimentu Nasionál (ADN) Samuel Marcal. Hanesan bai-bain enkontru kordenasaun nee realiza atu melhora kordenasaun servisu funsionáriu sira ba implementasaun Programa Nasionál Dezenvolvimentu Suku iha baze.
Diretór Jeral ADN, Samuel Marcal ne’ebé ba dahuluk partisipa iha enkontru nee mensiona, bazeia ba ninia vizita iha terrenu, Programa Nasionál Dezenvolvimentu Suku hanesan programa ne’ebé pozitivu tebes tanba programa nee korresponde direita ba nesesidade ne’ebé komunidade sira enfrenta iha baze.
“PNDS, projetu ki’ik, maibé ligasaun direita ho komunidade”, Samuel Marcal, Diretór Jeral Ajénsia Dezenvolvimentu Nasionál.
Assesor Internasional ba Tekniku PNDS halo hela esplikasaun Konaba Kestaun Tekniku
Enkontru ne’e hanesan atividade mensal, departamentu ida-idak aprezenta rezultadu susesu nomós dezafiu ne’ebé sira enfrenta iha fulan ida liu ba, ho atividade ida ne’e bele hadi’ak liu tan kualidade servisu funsionáriu PNDS tomak.
PNDS la’os projetu, PNDS hanesan programa komunitáriu ne’ebé mak fó kompetensia tomak ba iha komunidade atu identifika problema dezenvolvimentu iha Suku, halo planu, implementa, jere orsamentu rasik nomós halo manutensaun ba rezultadu programa ne’ebé mak sira finaliza ona.
