Sistema Implementasaun Programa PNDS Persija Halo Sinkronizasaun no Koordenasaun ho Seitor Hotu iha Nivel Munisipiu

Sosializasaun kona-ba Mata dalan implementasaun Programa PNDS iha Munisipiu Lautem

Sistema implementasaun programa PNDS iha Nivel komunidade persija halo sinkronizasaun no koordenasaun diak, hodi involve linha sectoral sira iha Munisipiu, tanba durante nee linha sectoral sira iha nivel Munisipiu la dauk apar diak ho sistema implementasaun programa PNDS. deklara husi Administrador Munisipiu Lautem no Baucau iha Sosializasaun ba mata dalan implementasaun programa PNDS, ne’ebé halao (29/02/ too 020/03/2016) iha Viqueqe, Lautem no Baucau.

Tuir Administrador Munisipiu Lautem, Jeferino dos Santos Siquera katak sistema implementasaun programa nee persija sinkroniza no koordena diak ho direktur sectoral sira iha nivel Munisipiu tanba dala barak projetu balun doubra, alende programa PNDS implementa linha sectoral seluk mos implementa, nune’e persija halo sinkronizasaun atu bele hare didi’ak implementasaun programa PNDS iha Nivel Suku.

Chefe Unidade Gestaun Operasional PNDS, Rosito Guterres, Responde hela Perguntas husi Komunidade iha Sosializasaun neebe halao iha Munisipiu Baucau

Entretantu tuir Administrador Baucau, Antonio Agusto Guterres hateten planeamentu suku tengki responde nesesidade basiku komunidade, tanba nee planeamentu ba desenvolvimentu suku tengki refleta difikuldades neebe komunidade enfrenta. Nune’e Administradór Munisipiu Baucau Antonio Agusto Guterres konsidera implementasaun programa PNDS iha Munisipiu Baucau suksesu tanba projetu hotu ne’ebé implementa husi komunidade finaliza ho diak.

Nune’e iha intervensaun ba sosializasaun mata dalan implementasaun Programa PNDS, Chefe Unidade Implementasaun Programa PNDS, Rosito Guterres Louba komunidade sira liu-liu ba Ekipa Jestaun Suku ne’ebé fo sira nia kontribuisaun tomak hodi bele implementa ho diak projetu PNDS ne’ebé komunidade sira Propoin.

© Copyright 2016 Programa Nasional Dezenvolvimentu Suku