Vise Ministru Administrasaun Estatal, Jacinto Rigoberto Gomes de Deus Ne’ebe abertura enkontru kordenasaun PNDS.Vise Ministru Administrsaun Estatal, Jacinto Rigoberto Gomes de Deus Ne’ebe abertura enkontru kordenasaun PNDS.
Sekretáriu Tekniku Programa Nasional Dezenvolvimentu Suku realiza enkontru kordenasaun entre Diretor Servisu Munisipiu Apoiu PNDS, Enjeneiru no Kontabilista Munsipiu 13 inklui RAEOA iha salaun enkontru Jl Villa, Fatuhada.
Sekretáriu Ezekutivu PNDS, Amandio Paulino Gastão Do Rosário De Sousa, halo intervensaun iha enkontru kordenasaun PNDS.
Iha enkontru kordenasaun ne’e avertura husi Vise Ministru Administrasaun Estatal, Jacinto Rigoberto ne’ebe Akompaña husi Sekretariu Ezekutivu PNDS, Amandio Paulino Gastão Do Rosário De Sousa. Objetivu husi enkontru kordenasaun ne’e atu fahe informasaun no progresu servisu ekipa sira iha munisipiu id-ida alende ne’e mos atu halo avaliasaun annual ba implementasaun PNDS tinan 2024 no oinsa prepara implementasaun Programa Operasaun Manual (POM) ba tinan 2025.
Vise Ministru Administrasaun Estatal, iha nia intervensaun
Diretor Servisu Munisipiu Apoiu PNDS partisipa iha enkontru kordenasaun nivel Nasional.
hato’o Agradese ba ideia no planu ba PNDS nia Programa Operasaun Manual foun ida ne’e, importante atu hatene lolos ita nia responsabilidade husi Nasional ba regional nian. Ita hotu hatene katak ezekuta programa PNDS ita bo’ot sira iha terenu mak ezekuta. Ho nune’e enkontru ba avalisaun ida ne’e atu avalia saida mak lao ona iha tinan barak ba kotuk, no saida mak ita atu prepara ba tinan oin nian. Desde IX governu nia ukun, tempo barak liu mak hamtuk ho ST-PNDS hanesan governante ida kontenti tebes ba programa ida ne’e hamutuk iha baze ida ne’e mak ita hakarak,
Aprezentasaun husi ekipa Tekniku PNDS Nasional.
tanba kumprimisu IX governu nian katak assegura komunidade iha baze, atu nune’e bele responde sira nia ejijensia. Husu ba DMSA sira tenke esforsu makas, tanba delegasaun servisu atribui ona ba Autoridade Munisipal imi mak tenke asegura ho kualidade, halo koordenasaun ne’ebe mak diak ho PAM sira no husu ba Engenheiru no Kontabilista sira ita bo’ot sira tenke lao tuir Politika no programa ne’ebe mak IX governu iha.Tanba ne’e desijaun hotu-hotu iha imi nia liman maibe halo erru ruma MAE/ST-PNDS Nasional sei la nonok. Ikus liu deseja natal kmanek ho familia sira hotu.
Ekipa PNDS husi Munisipiu hato perguntas iha enkontru kordenasaun.
Vise Ministru Administrasaun Estatal, mos hatutan katak Iha reuniaun ida ne’e atu dehan deit katak konsege apresenta POM ba 2025 lao ho diak iha mos sujestaun lubuk ida hodi fo hanoin ba ST-PNDS ba tinan oin ezekuta programa sira iha terrenu labele ses husi programa no politica guvernu nian, presisa komfirma no servisu hamutuk ho Autoridade Munisipiu. Tanba ne’e ita hotu hein ba Autoridade Munisipiu sira ninia natureza lao oinsa atu adapta tuir. No relasaun ba avaliasaun ba prestasaun servisu mesmu hasoru desafiu barak iha terrenu dala barak halo atraza ba projetu balun maibe agora iha ona POM 2025 foun ida espera bele hadia diak liu tan prosessu hirak ne’e.
Iha fatin hanesan Sekretariu Ezekutivu PNDS, Amandio Paulino Gastão Do Rosário De Sousa, katak esforsu barak mak ita halo konsege altera ona esbosu lei balun inklui Diploma Ministerial lima ho baze legal ida ne’e mak kria Programa Operasaun Manual PNDS ba tinan 2025 nian. No iha oportunidade ida ne’e fortifika katak funsionariu kasuais husi PNDS ne’ebe destakadu iha Autoridade Munisipiu sira tinan 2025 PAM mak sei hatene klareza liu, PNDS nasional fo deit asistensia Monitorizasaun, no Fiskalizasaun. Exepto RAEOA deit mak ST-PNDS Nasional sei kontrolu nafatin.
Partisipa iha enkontru kordenasaun ne’e husi DNAAS, DG Desentralizasaun Governu Lokal, DMSA, kontabilsta, engeneheiru husi 13 inklui RAEOA, Autoridade Munisipal no RAEOA nomo’s kargu chefia no funsionariu sira husi ST-PNDS.
