Sekretáriu Ezekutivu PNDS Amandio Paulino Gastão do Rosario de Sousa halo intervensaun ba funsionáriu PNDS RAEOA.
Sekretáriu Ezekutivu PNDS, Amandio Paulino Gastão do Rosario de Sousa hala’o enkontru traballu hamutuk funsionáriu PNDS RAEOA iha salaun PNDS rejionál.
Objetivu husi enkontru traballu ne’e atu hatene direita preokupasaun servisu funsionáriu sira nian iha terenu liuliu konaba implementasaun programa PNDS ne’ebe implementa iha rejionál, postu to iha suku.
Diretór Rejionál PNDS Oecusse Ambeno, João Babo hato’o progresu servisu ba Sekretáriu Ezekutivu PNDS.
Alende ne’e mos lideransa masimu PNDS ne’e husu ba funsionáriu atu halo servisu ho displina tuir orientasaun ne’ebe iha tamba nudar funsionáriu publiku tenke kumpri ba orientasaun ne’ebe superior sira haruka tamba nudar funsionáriu lei mak regula. Sekretáriu Ezekutivu mos husu atu konstrusaun no reabilitasaun ba implementasaun programa PNDS iha RAEOA bele remata tuir tempu ne’ebe determina ona no husu ba funsionáriu sira iha postu kopera malu atu nune’e servisu iha terenu bele lao ho diak.
Funsionáriu PNDS RAEOA antusiasmu hodi rona intervensaun husi Sekretáriu Ezekutivu PNDS.
Sekretáriu Ezekutivu PNDS mos hetan despaxu prinsipál ida husi Sua Exelénsia Primeiru Ministru ne’ebe hato’o liu husi Ministru Administrasaun Estatal ba PNDS-RAEOA, kona-ba konstrusaun kapela Lako-Foan no moru haleu Peregrinasaun Nossa Senhora Leol-Batan husu atu diretór no funsionáriu PNDS liuliu fasilitador teknik postu Pante-Macassar atu tun direita hodi hare no kakula osamentu hira mak atu uja ba fatin rua ne’ebe diside ona.
Partisipa iha enkontru traballu ne’e Diretór Rejionál PNDS RAEOA no Funsionáriu PNDS iha Rejionál no Postu Administrativu.
