Sekretáriu Ezekutivu PNDS, Amandio Paulino Gastão Do Rosário De Sousa, Tesifita iha inagurasaun projetu PNDS iha Suku Malelat.
Lideransa Sekretáriu Ezekutivu Program Nasional Dezenvolvimentu Suku, Amandio Paulino Gastão Do Rosário De Sousa, inagura projetu Estensaun Sala Escola Filial Bimene iha Aldeia Haemnanu, Suku Abani no inagura rehabilitasaun Estrada Rural (Betaun) iha Suku Malelat Postu Administrativu Passabe, Raeoa.
Sekretáriu Ezekutivu PNDS Vizita Estensaun Sala Escola Filial Bimene.
Iha seremonia inagurasaun ne’e Sekretáriu Ezekutivu PNDS, fó Parabeniza ba komunidade Suku Abani no Komunidade Suku Malelat tanba projetu “Exetensaun sala Eskola konstrusaun rezidensia ba Professores no projetu rehabilitasaun estrada rural (betaun) finaliza ona ida ne’e maka progressu ba inan aman sira bele asesu estrada ne’e lori produtu ba merkadu fasil tanba estrada diak ona.
Sekretáriu Ezekutivu PNDS mos hatutan katak, nafatin apela ba inan aman no joven sira tenki tau matan no kuida eskola refere atu nune’e ita nia oan sira bele asesu ba aprende hodi sai matenek bele dezemvolve fali ita nia suku ne’e, tanba programa PNDS ne’e programa komunidade nian planu atu rehabilita ka konstrui programa ida ne’ebe maka preokupasaun komunidade nian, ida ne’e maka PNDS sai hanesan
Escola Filial Bimene ne’ebe inagura husi Sekretáriu Ezekutivu PNDS.
fasilitador servisu hamutuk ho komunidade bele alkansa planu ne’ebe mai husi Suku. Tanba ne’e Parabeniza ba Komunidade sira iha Suku Abani no Suku Malelat iha vontade servisu hamutuk ho ekipa jestaun Suku no Xefi Suku halo konstrusaun ba Eskola ida ne’e no Rehabilitasaun Estrada iha implementasaun to’o finaliza maske hasoru difikuldades maibe projetu rua ne’e remata ho susesu, komunidade sira bele asesu ona estrada refere no komunidade nia oan sira bele utiliza ona eskola refere.
Konstrusaun Eskola Filial Bimene iha Suku Abani ne’ebe tama iha Faze III Siklus V tinan fiskal 2022 no 2023 ne’e implementa husi komunidade ho orsamentu total : $50, 247,70$. Rehabilitasaun estrada rural (betaun) iha Suku Malelat nia ho distansia 220.00 Metru, implementa husi komunidade ho montante orasamentu $28,349.99. Partisipa iha seremonia inagurasaun ne’e Sekretariu Regional Administrasaun Raeoa, Diretor Terras Propriedades Autoridade Raeoa no komunidade sira.
