Sekretáriu Ezekutivu PNDS, Amandio Paulino Gastão do Rosario de Sousa ho ekipa hala’o monitorizasaun konjunta ba projetu estrada rural pakote iha suku Katrai Leten, Postu Administartivu Letefoho.
Sekretáriu Ezekutivu PNDS, Amandio Paulino Gastão do Rosario de Sousa akompaña husi DNCMA Zelia Freitas da Conceição no chefe departemento Planeamentu e implementasaun Marito da Silva Alves ho ekipa husi Sekretáriu Estadu Dezenvolvimentu Lokal hasoru malu ho Diretor Delegasaun PNDS Munisipiu Ermera, Jaimito da Neves Salsinha hodi koalia sobre implementasaun programa Governu iha Munisipiu Ermera.
Projetu konstrusaun Centru Saude iha Suku Katrai Leten, Administartivu Letefoho
Objetivu husi Monitorizasaun konjunta ne’e bazeia ba despaixu husi Ministériu Administrasaun Estatal atu hare rasik ho matan implementasaun projetu estrada rural pakote (estrada betaun, valeta, Bos culvert no bronjong) ne’ebe implementa iha tinan 2024 ho total orsamentu $48.750,00. iha suku Katrai Leten, Postu Administartivu Letefoho ho durasaun servisu fulan tolu.
Alende ne’e mos Sekretáriu Ezekutivu PNDS no ekipa konjuta kontinua monitorija mós projetu konstrusaun Centru Saude iha Suku Katrai Leten tinan 2024, konstrusaun Centru Saude ne’e mai husi Programa Dezenvolvimentu Integradu Munisipal (PDIM) ne’ebe implementa husi Kompanha Lokal “Jofil Unipessoal LDA” Projetu konstrusaum Centru Saude ho total orsamentu $412,827.00
Monitorizasaun iha terenu akompaña husi Ekipa PNDS Postu Administrativu Lete Foho, Fornesedór, Xefe Aldeia Katrai Leten no komunidade
