Sekretáriu Estadu Dezenvolvimentu Lokál (SEDL), Mateus W. dos Santos Tallo akompaña husi Prezidente Autoridade Munisipiu Baucau, Veneranda E.M. Lemos Martins iha lansamentu estrada betaun.
Sekretáriu Estadu Dezenvolvimentu Lokál (SEDL), Mateus W. dos Santos Tallo, akompaña husi Prezidente Auturidade Munisipiu Baucau, Veneranda E.M. Lemos Martins, hamutuk ho Komunidade, lansa fatuk dahuluk ba projetu rehabilitsaun estrada Cor betaun iha suku Macalaco, Postu Administrativu Queliqai, Munisipiu Baucau.
Sekretáriu Estadu Dezenvolvimentu Lokál (SEDL), Mateus W. dos Santos Tallo, akompaña husi Prezidente Auturidade Munisipiu Baucau, Veneranda E.M. Lemos Martins ofisialmentu fakar masa ba projetu PNDS.
Rehabilitasaun estrada cor betaun ne’e implementa liu husi Programa Nasional Dezenvolvimentu Suku (PNDS) Siklus VII nian iha aldeia Makalira, suku Macalaco, rehabiltasaun estrada cor betaun ne’e bele halo ligasaun entre suku ida ho suku seluk iha postu Queliqai.
Iha lansamentu projetu estrada betaun ne’e Sekretariu Estado Dezenvolvimentu Lokal hatete, lansamentu projetu estrada betaun ne’e hanesan programa Governu nian liu husi
Sekretáriu Estadu Dezenvolvimentu Lokál (SEDL), Mateus W. dos Santos Tallo, halo intervensaun iha seremonia lansamentu fatuk dahuluk projetu estrada betaun.
Programa Nasional Dezenvolvimentu Suku atu hare nesidade ne’ebe sai hanesan prioridade ida ne’ebe komunidade rasik mak deside liu hosi Konsellu Konsultivu Munisipál, prioridade sira ne’e hotu kabe ba polítika IX governu Konstituisional hodi tau matan infreastrutura báziku ba komunidade sira iha área rurál.
Implementasaun projetu estrada betaun iha suku macalaco ne’e orsamentu fiskal 2025 husi Governu no implementa liu husi Programa Nasional Dezenvolvimentu Suku ho total orsamentu $34, 270.00. no tempu ba implementa projetu estrada betaun husi fulan Jullu to’o fulan Outubru 2025.
Komunidade suku Macalaco sente kontenti ho rehabilitasaun estrada betaun ne’ebe implementa liu husi Programa Nasional Dezenvolvimentu Suku hodi rehabilita estrada ne’e bele lori benefisiu ba komunidade sira atu nune’e bele lori produtu lokál hodi asesu ba merkadoria. Iha seremónia lansamentu fatuk dahuluk ne’e, partisipa mos husi Komandante PNTL Munisipiu Baucau, Komandante F-FDTL munisipiu Baucau, autoridade lokal nomo’s Komunidade suku Macalacu.
