Diretora PNDS, Dulce Guterres Junior Hala’o Intervensaun iha Enkontru Koordenasaun Tinan 2018 iha Salaun Enkontru Hotel Ramelau, Dili.
Atu kondena di’ak liután servisu iha baze kona-ba implementasaun programa PNDS, Sekretariadu Tékniku Programa Nasionál Dezenvolvimentu Suku (ST-PNDS) organiza enkontru kordenasaun nivel nasionál, tinan 2018 ne’ebe hala’o durante loron rua iha hotel Ramelau, Dili 1-2/02/2018.
Objetivu husi enkontru ida ne’e atu kria kordenasaun entre nivel Nasionál ho Munisípiu, aktualiza husi progresu programa PNDS no mós troka idea kona ba dezafiu ne’ebé akontese iha implementasaun programa PNDS iha terrenu.
Direktur Delegasaun PNDS Munisipiu Aprejenta Progresu Implementasaun PNDS iha Kada Munisipiu.
Dulce Guterres Junior, hanesan mós Diretora Nasional PNDS iha nia intervensaun nia optimista ho servisu ekipa ne’ebé agora iha. Nia hatete katak: “Maski dezafiu barak ne’ebé ita hasoru iha implementasaun Programa PNDS ba fase hotu-hotu maibé ho Ekipa ne’ebé forte ita sei bele resolve dezafiu hirak ne’e ho di’ak “.
Enkontru ida ne’e hanesan atividade regular ne’ebé akontese kada fulan, hanesan bain-bain, iha enkontru ne’e kada Munisípiu inklui mós departamentu ida-idak aprezenta rezultadu progresu servisu nomós dezafiu ne’ebé ekipa hasoru iha terrenu atu nune’e bele buka solusaun hamutuk, alende aprezenta rezultadu servisu nomós dezafiu, ekipa ida-idak aprezenta mós planu servisu ne’ebé atu hala’o iha fulan tuir mai.
Partisipante husi enkontru ne’e kordenador PNDS husi Munisípiu 12 no RAEOA, Enjeñeiru, Kontabilista no MIS husi Munisípiu 12 no RAEOA, Xefe Unidade, Xefe Departamentu, funsionáriu PNDS nasionál, nomós Assessor Internasional no nasionál, Ekipa Suporta Terrenu (Field Support Team (FST)) husi Ajensia Cardno ne’ebe durante ne’e fó apoiu ba implementasaun Programa PNDS.
