Intervensaun Diretora PNDS, Dulce Guterres Junior iha Enkontro Koordenasaun Nasional PNDS.
Enkontru Koordenasaun Nasional Ne’e partisipa husi Diretora Nasional ST-PNDS, Reprezentante Team Leader PARTISIPA, Chefe Unidade, Chefe Departamentu, Diretores Delegasaun Munisipiu PNDS Munisipiu 12 no RAEOA, no Funsionariu Sekretariadu Tekniku PNDS ne’ebé realiza iha salaun Joao Paolu II Comoro, Dili, (10/06/2020).
Objectivu husi Enkontru Koordenasaun Nasional ne’e atu informa no Atualiza progresu servisu kada munisipiu, rezumu enkontru mensal anterior, atualizasaun ba revisaun global timeline 2020 no planu asaun servisu, sosializa informasaun kona-ba apoiu finanseiru husi Governu Australia (DFAT) hanaran COVID fund liu husi implementasaun PNDS ba suku 152 iha faze 1 siklu 3 no mos Update informasaun relasiona ba orsamentu Duodecimo ba implementasaun projeitu PNDS iha suku 91 husi faze 2 siklu 3, ikus liu mak atualizasaun kada munisipiu (Progresu Implementasaun fiziku, finansas no sosial) ba faze 3 siklu 2, uma edukativa no fatin halimar (Playground).
Iha abertura ba Enkontru Koordenasaun Nasional Diretora Nasional ST-PNDS, Dulce Guterres Junior, iha nia intervensaun ba Partisipante sira konaba planu servisu global timeline 2020 ne’ebé oras ne’e lao hela nomos orsamentu Duodesimo no Fundus COVID, alende ne’e Diretora Nasional ST-PNDS mos hato’o sentimentu apresiasaun ba Governu Australia tamba bele apoio orsamentu mai PNDS por volta $ 4.4 miloes dollar Amerikano.
Diretora Nasional ST-PNDS, Dulce Guterres Junior hatutan katak ba tinan ida ne’e nia laran PNDS iha servisu bo’ot tebes ne’ebé maka tenki aselera, signifika katak ba tinan ida ne’e to’o tinan oin PNDS sei kobre 257 sukus iha teritorio Timor laran tomak, nune’e suku sira ne’ebé maka tama ba Faze 1 nia orsamentu sei mai husi fundu COVID ba Faze 2 nian Orsamentu mai husi Duodesimo no Faze 3 nia orsamentu sei mai husi OGE (orsamentu geral do estado) 2020.
Partisipante Enkontru Koordenasaun Rona Hela Intervensaun husi Diretora Nasional PNDS.
Team Leder PARTISIPA, Fiona Hamilton, liu husi Zoom National Coordenation Metting katak mesmu iha situasaun COVID-19 nia laran la sai dezafiu ba servisu PNDS maibe situasaun ne’e hanesan oportunidade ba ita tamba hetan fiar husi Governu Australia (DFAT) hodi tau osan direita ba Programa no Sistema PNDS nian.
Nune’e Team Leader PARTISIPA; Fiona Hamilton, hatutan katak iha Timor-Leste la iha Programa ida ke diak liu PNDS ne’ebé mak envolve direita komunidade iha prosesu dezenvolvimentu suku hahu husi aldeia, Team Leader PARTISIPA ne’e mos hato’o nia apresiasaun ba Funsionarius sira hotu ba servisu makas durante iha situasaun pedemia COVID nia laran.
