Diretora Nasional PNDS, Dulce Guterres Junior, Hato’o Relatoriu Servisu PNDS Husi Tinan Anterior nian ba Ministru Administrasaun Estatal, Dr. Miguel Pereira de Carvalho, iha Salaun Reuniaun, MAE.
Diretora Nasional ST-PNDS, Dulce Guterres Junior akompanha ho Ekipa Sekretariado Nasional PNDS hala’o Enkontru ho Ministru Administrasaun Estatal, Miguel Pereira de Carvalho iha salaun enkontru Ministeriu Administrasaun Estatal, Dili; 8/06/2020.
Objetivu husi enkontru ne’e atu aprejenta progresu servisu husi tinan 2013 to’o 2019 alende ne’e mos ekipa aktualiza mos planu servisu PNDS iha tinan 2020 ba Ministru Administrasaun Estatal.
Ministru Administrasaun Estatal, Dr. Miguel Pereira de Carvalho, halo Intervensaun ba Servisu no Motiva Ekipa PNDS atu Kontinua Kopera, Servisu no Kordena Kontinua ba Oin.
iha aprejentasaun ne’ebé Diretora Nasional ST-PNDS, Dulce Guterres Junior hamutuk ho Ekipa Sekretariado Nasional no Assesor PARTISIPA, hato’o progresu Dezenvolvimentu infraestrutura ne’ebé inisu husi tinan 2013 to’o 2019 nomo’s implementasaun uma OPS hamutuk 14 iha teritoriu Timor-Leste inklui mos Fatin Halimar (Playground) ne’ebé osamentu mai husi Govenu nova zelandia no implementa liu husi PNDS.
Alende ne’e mos Diretora Nasional ST-PNDS, Dulce Guterres Junior ho Ekipa Sekretariado Nasional no Assesor husi PARTISIPA koalia mos kona-ba Eskola Edukativa 9 iha Munisipiu 7 no mos informa ba Ministru Administrasaun Estatal, konaba ajuda Governu Australia fornese asistensia finanseiru hamutuk miliaun $ 4.4 dolar Amerikano ba Governu Timor-Leste liu husi programa PNDS hodi finansia projeitu infrastrutura komunitaria nune’e bele rekopera ekonomia komunidade durante pandemia Covid-19.
Hafoin rona tia aprezentasaun servisu husi Diretora Nasional ST-PNDS no Ekipa Sekretariado Nasional Inklui Assesor husi PARTISIPA, Ministru Administrasaun Estatal, Miguel Pereira de Carvalho enkoraja no motiva servisu ekipa PNDS sira hotu atu kontinua kopera no kordena nafatin servisu programa PNDS nia ba oin nomo’s Ministru apela ba Ekipa PNDS sira hotu atu kontinua servisu ho diak ho nune’e bele atinji metas sira hotu.
