Chefe Ekipa ba Programa PREB Senhor Bartolomeu Dias Tilman Hala’o Intervensaun Ko-naba Atividade Assesmentu Viabilidade Ekonomia ba Komunidade Suku Maulau, Postu Administrativu Maubessi, Munisipiu Ainaro.
Atu kordena diak liu ta’an servisu to iha baze kona-ba Implementasaun Programa PNDS, ne’ebe foka kona-ba Programa Retornu Ekonomia Baziku, Sekretariadu Tekniku Programa Nasional Dezenvolvimentu Suku (ST-PNDS) hala’o Assesmentu viabilidade ekonimia ba implementasaun atividade sosíu ekonómia iha tinan oin. Assesmentu no foka liu kona-ba prioridade prinsipal hat mak hanesan Uma Bainaka, Mini Mercado, Armagem Agrikola no Lutu ba To’os, atividade ne konsentra iha suku 17.
Chefe Suku Maulau Hala’o Intervensaun ba Komunidade Ko-naba Atividade Assesmentu Viabilidade Ekonomia.
Objetivu prinsipál husi assesmentu ne mak atu hare direita, viabilidade ekonomia no identifika klean liu tan kona-ba prioridade hat ne’ebe ekipa sira hala’o ba komunidade iha suku antes implementa konstrusaun.
Koordenador ba atividae Programa Retornu Ekonomia Baziku Senhor Bartolomeu Dias Tilman, ne’ebe fasilita komunidade sira iha suku kona-ba atividade Assesmentu ne’ebe iha relasaun ho infraestrutura baziku ne’ebe PNDS estabelese ona.
Ekipa PNDS Husi Nasional Hala’o Assesmentu Viabilidade Ekonomia ba Komunidade Suku Raça, Postu Administrativu Lospalos Villa, Munisipiu Lautem.
Suku ne’ebe mak sai targetu ba actividade Assesmentu mak hanesan suku : Suku Maulau, Postu Administrativu Maubessi, Munisipiu Ainaru ho nia prioridade mak Uma Bainaka, Suku Matore, Suku Caimauk, Suku Manumerah, Postu Administrativu Turiscai, Munisipiu Manufahi ho nia prioridade mak Uma Bainaka no Mini Mercado, Suku Souro, Suku Raca, Postu Administrativu Lospalos, Munisipiu Lautem ho nia prioridade mak Mini Mercado no Uma Bainaka, Suku Alawa Leten, Postu Administrativu Baguia, Suku Uai-oli no Suku Uma ana ico, Postu Administrativu Venilale, Suku Loilobu no Suku Caicua, Postu Administrativu Vemasse, Munisipiu Baucau ho nia prioridade mak Uma Bainaka no Armazen Agrikola, Suku Cribas, Postu Administrative Manatuto Vila, Munisipiu Mantuto ho nia prioridade mak Lutu Protesaun ba To’os, Suku Saburai, Postu Administrativu Maliana Vila, Munisipiu Bobonaro ho prioridade mak Uma Bainaka, Suku Dato III, Suku Dato II, Suku Lactos no Suku Fohorem, Postu Administrativu Fohorem, Munisipiu Covalima ho prioridade mak Uma Bainaka.
Atividade Assesmentu viabilidade ekonomia ne’e mos hetan antusiasmu husi partisipasaun ne’ebe sira hatudu duni sira nia partisipasaun ne’ebe a’as tebes no mos hetan partisipasaun husi Chefe Suku, Chefe Aldea, Menbru Konselhu Suku no EJS, maibe rejultadu husi Assesmentu viabilidade ekonomia ne’e ekipa Assesmentu sei halo hela analiza hodi fo sai nia rezultadu iha tempu tuir mai hodi tetu nia implementasaun iha 2020.
