Enkontru Koordenasaun Nivel Nasionál ne’ebé hala’o iha Munisípiu ba dala uluk realiza iha Munisípiu Liquica, 29/07/2016.
Diretora PNDS, Dulce Guterres Junior, akompaña husi Administrador Munisipiu Liquisa, Sr. Domingos da Conceicao ho Chefe Ekipa apoiu programa husi DFAT, Sra. Fiona Hamilton, halo hela introdusaun.
Diretora PNDS, Dulce Guterres Junior iha nia intervensaun hatete Objetivu prinsipál enkontru koordenasaun nasionál ne’ebé halo iha Munisípiu mak atu bele involve mos partisipasaun funsionáriu PNDS iha Nivel Munisípiu no Postu Administrativu hodi bele hatene kona-ba implementasaun programa PNDS iha Territóriu Timor Leste, nune’e hodi bele apár ho kestaun ne’ebé Diretora sira diskute.
Diretora PNDS mos Hato’o agradese ba Administradór Munisípiu Liquica ne’ebé bele fo nia tempu tomak hodi akompaña prosesu implementasaun programa PNDS iha terrenu espesiál iha Munisípiu Liquica, no apár di’ak implementasaun programa PNDS.
Iha Oportunidade hanesan Administradór Munisípiu Liquica, Domingos da Conceição iha nia intervensaun hato’o Parabens ba ST. PNDS atraves implementasaun programa PNDS, ne’ebé bele hamenus tensaun reklamasoens no difikuldades ne’ebé komunidade sira enfrenta iha baze.
Tuir Administradór Munisípiu Liquica pelumenus ho implementasaun programa PNDS bele rejolve daudaun ona difikuldades ne’ebé ita nia povu sira iha area rural enfrenta, nee hatudu katak esforsu hotu ne’ebé halo refleta no responde duni kondisaun mínimu ne’ebé komunidade sira presija.
Diretora PNDS, Dulce Guterres Junior, ho seriu halo hela inspesaun ba livru Diariu Vizita Regular funsionario PNDS ba Suku
Alende enkontru koordenasaun iha oportunidade nee mos diretora PNDS, Dulce Guterres Junior halo mos inspeksaun ba Diáriu vizita funsionáriu PNDS iha kada Postu Administrativu ba Suku, atu nune’e bele hatene volume serbisu ne’ebé kada funsionáriu iha Postu hala’o, no atu asegura funsionáriu sira nia devér ho di’ak.
