Reprezentante Presidente Autoridade Munisipiu Baucau, Maria Cesaltina Viegas Hala’o Intervensaun iha Inaugurasaun Fatin Halimar (Playground) iha Pre-escolar João Paulo II, Suku Trilolo, Munisipiu Baucau.
Inaugurasaun ba Fatin Halimar (Playground) ne’e inaugura iha Suku Trilolo, Postu Baucau Vila, Munisipiu Baucau ne’e partisipa husi Sekretaria Presidente Autoridade Munisipiu Baucau, Diretur Educacão Munisipiu Baucau, Diretur Deocesano Caritas Baucau, Diretora Pre-Escolar joão Paulo II Baucau, Comandante Polisia Baucau, Diretur PNDS Munisipiu Baucau, funcionario Sec. PNDS inklui Munisipiu no inan aman husi alunus pre-eskolar joão Paulo II baucau (14/02/2020).
Senhor Fransisco Seac, Nudar Reprezentante Diretora Nasional PNDS Hato’o Parabens ba Ekipa Ne’ebe Servisu Makas Hodi Finaliza Fatin Halimar iha ba Estudante Pre-escolar. iha Suku Trilolo.
Sekretaria Presidente Autoridade Munisipiu Baucau, nudar reprezentante Presidenti Autoridade Baucau, Maria Cesaltina Viegas Relasiona ho Inaugurasaun ba Fatin Halimar (Playground) ne’e katak, hato’o agradesimentu ba PNDS no HANDS ne’ebé harií ona Fatin Halimar (playground) ba alin no oan Estudante Pre-eskolar João Paulo II Baucau, iha fatin hanesan, Maria Cesaltina Viegas espera katak Governu Nova Zelandia liu husi parseiru HANDS nafatin apoio ba eskola infantil sira ne’ebé presija Fatin Halimar (playground) iha eskola Pre-eskolar sira hotu, nune reprejentante presidente autoridade Baucau ne’e mos apela ba Autoridade lokal iha suku Trilolo Professor/a sira inklui inan, aman atu tau matan ba Fatin Halimar (Playground) ne ho nune ita nia oan sira bele uza ba tempu ne’ebé naruk, tamba los duni liu husi halimar hanesan parte aprendijajem ba prossesu aprende no deskobre susesu.
Reprezentante Presidente Autoridade Munisipiu Baucau Akompnha Husi Diretor Edukasaun Munispiu Baucau no Reprezentante husi Hans Ofisialmente Inaugura Fatin Halimar (Playground).
Iha oportunidade ne’ebé hanesan Kontabilista Nasional, Fransisco Seac nudar reprezentante Diretora Nacional ST-PNDS fo votus parabens ba Ekipa Jestaun Suku ne’ebé servisu makas ona hodi finaliza obra Fatin Halimar (Playground) refere, Reprezentante Diretora Nacional ST-PNDS, Fransisco Seac hatete katak Memorandum de Intendimentu entre Ministeriu Edukasaun Juventude no Desportu ho Ministeriu Administrasaun Estatl ne’e hahu iha tinan 2019.
Estudante Pre-escolar João Paulo II Suku Trilolo Kontenti ho Fatin Halimar foun.
Assessor Nasional Fatin Halimar (Playground), Angelo Moniz Jong nudar reprezentante Embaixador Nova Zelandia iha Timor leste hatete katak Governu Nova Zelandia iha komitmentu sei nafatin apoio Ministeriu Edukasaun Juventude no Desportu liu husi implementasaun PNDS, alende ne’e Assesor Nasional Fatin Halimar (Playground) ne’e mos hatutan katak Orsamentu ne’ebé aloka ba iha Fatin Halimar (playground) Pre-Eskolar João Paulo II Baucau hamutuk $ 5 mil ital, husi $ 5 mil ital ne’ebé aloka ba Fatin Halimar (Playground) João Paulo II Baucau ne’e Orsamentu $ 4 mil halo tranferensia Direita ba iha konta bankaria suku hodi finansia kustu transporte no Operasional no $ mil hodi hola ekipamentus staterkids ne’ebe hola husi dili hanesan ekipapamentus makina gerinda, makina hodi fura (bor) no seluk tan.
Alende ne’e Assesor Fatin Halimar (Playground) hatutan katak Governu Nova Zelandia iha komitmentu atu apio Ministeriu Edukasaun Juventude no Desportu ho Fatin Halimar (Playground) 150, daudaun ne’e konstrui ona Fatin Halimar (Playground) hamutuk 92, porvolta 58 Fatin Halimar (Playground) refere sei kompleta iha tinan ida ne’e nia laran.
