Direktur Interino, Secundino Freitas Moreira hala’o abertura Formasaun ba Ekipa MIS no Kontabilista Munisipiu iha Salaun Etda, Dili.
Atu hadi’a liu tan jestaun oinsá atu jere didi’ak base de dadus kona-ba sosiál, finansas no tékniku iha sistema MIS ba implementasaun Programa PNDS, Sekretariadu Tekniku Programa Nasional Dezenvolvimentu Suku (ST-PNDS) liu husi MIS (Management Information System) realiza formasaun ba MIS no Kontabilista durante loron rua ne’ebé partisipante mai husi munisípiu 12 no RAEOA iha salaun Etda Dili (22-23/06/2017).
Erna Suryani, nu’udar asessoria ba Kontabilista fo hela introdusaun kona-ba mekanismu treinamentu.
Objetivu husi Formasaun ne’e maka atu tulun MIS sira hodi hadi’a kualidade oinsá hatama dadus (Data Entry) relasiona ho númeru partisipasaun, númeru feto sira nian, trablhadores no progresu fíziku, alende ne’e formasaun ne’e atu tulun mos kontabilista sira hodi hatama dadus tuir tempu, kompletu no akuradu mensal ba relatóriu finansas suku nian (CFM 12).
Direktur interino no actual hanesan chefe Unidade Administrasaun Finansas Programa PNDS, Secundino Freitas Moreira, iha ninia intervensaun hatete katak: treinamentu ida ne’e importante tebes ba prosesu relatorio inklui finansas, oinsá bele entry data tuir sistema MIS no aumenta tan MIS no kontabilista sira ninia kohesementu no abilidade liu-liu iha area jestaun sistema informasaun (MIS), atu nune’e bele jere di’ak liu tan dadus kona-ba implementasaun programa PNDS iha ida-idak nia Munisípiu.
Erna Suryani, nu’udar, Assesor ba iha Kontabilista hamutuk ho nia ekipa fasilita trenamento ne’e ho di’ak tebes, alende halo introdusaun jerál kona-ba oinsá atu jere dadus programa ninia iha sistema baze de dadus nomos halo pratika oinsá Munisipiu ida-idak bele organiza no hatama dadus iha sistema ne’ebé dezenvolve ona husi MIS.
Treinamentu ida ne’e hetan apresiasaun husi partisipante sira, tamba bele dezenvolve tan kapasidade iha area ida ne’e liu-liu oinsá atu jere dadus informasaun iha sistema ne’ebé estabelese ona husi MIS.
Programa treinamentu ne’e hala’o durante loron rua pasrtisipa husi MIS no Kontabilista husi munisípiu 12 ho Rejiaun Espesiál Oe-Cusse, funsionáriu PNDS Nasional Nomo’s hetan observasaun husi parseiru sira ne’ebé durante ne’e fó sira nia apoiu ba implementasaun Programa PNDS.
