Sekretariu Regional no Dezenvolvimentu Rural Hala’o Intervensaun no Loke Avertura iha Enkontru Sosializa Mata Dalan Implementasaun PNDS iha RAEOA, Oecusse/Ambeno.
Sekretariado Tékniku PNDS realiza enkontru ho Chefe do suku sanulu resin walu husi Rejiaun Administrativo Espesial Oecusse Ambeno iha Pante Makasar, Ambeno 12/12/2019, Objektivu husi Enkontru ne’e atu fahe informasaun ba Autoridade RAEOA no Chefe Suku foun sira hodi apar diak metas no programa PNDS ne’ebe implementasaun iha teritoriu Timor Leste.
Dulce Guterres Junior, Nudar Diretora Nasional PNDSHala’o Intervensaun iha Enkontru Mata Dalan Implementasaun PNDS ba Chefe Suku 18 RAEOA nian iha RAEOA, Oecusse/Ambeno.
Iha Intervensaun Directora Nasional ST-PNDS, Dulce Guterres Junior informa katak Programa Nasional Dezenvolvimentu suku PNDS hahu inisiu iha tinan 2013, alokasaun orsamentu ba suku hotu-hotu inklui RAEOA, alokasaun orsamentu ne’e transfere direita ba iha konta bankaria suku, orsamentu ne’e rasik fahe ba infraestrutura no operasional, ate a data suku hotu-hotu hala’o siklus dala rua ona, signifika faze 1 no 2 remta ona, tinan ida ne’e hahu ona faze 3, oras ne’e dadaun alende implementa PNDS regular iha mos aktividade adisional husi Ministériu da Edukasaun mak konstrusaun uma eskola edukativa no fatin halimar.
Sr.Regio Servantes da Cruz Salu nudar Sekretariu Regional Agrikultura no Dezenvolvimentu rural, ne’ebé reprezenta Prezidenti Autoridade RAEOA iha nia intervensaun hateten, PNDS ajuda hala’o Politika Governu nia, liliu iha RAEOA/Oecusse PNDS iha mekanismu atu mantein implementasaun politika autoridade nia iha nivel rural, PNDS hanesan politica ne’ebé iha modelu instituisinal no mekanismu ne’ebé mak tenki implementa, RAEOA hanesan Governu Autoridade ida ne’ebé mak nia Orsamnetu la tutela ba Ministériu ida no iha update ba Planu Estrateziku rasik, hanesan autoridade durante tinan 5 nia laran la hola parte emtermus jestaun, importante chefe suku hanesan autoridade suku hatene, hanesan Planu Estratezia foun ba RAEOA tinan 2003-2023 hatete katak to’o 2020 kada suku tenki iha Planu Dezenvolvimentu Ekonomika, PNDS iha mekanizmu atu organiza planu local hodi mobiliza instituisaun hodi atinzi metas ne’ebé iha.
Autoridade Lokal RAEOA, Oecusse/Ambeno Antusiasmu Rona Esplikasaun Husi Ekipa Sira Konaba Mata Dalan Implementasaun PNDS.
Sekretariu Regional Agrikultura no Dezenvolvimentu rural, Sr.Regio Servantes da Cruz Salu hatutan katak Infraestrutura RAEOA tenki haree liu ba iha grande projetu hanesan airoportu no EDTL ka investimentu boot sira tanba ne’e Sekretariu Regional ne’e rekomenda ba Governu atu tau orsamentu ba PNDS hodi hare ba difikuldades ne’ebe komunidade sira iha baze enfrenta.
Husu mos ba MAE atu hare kna’ar lideransa sira ba oin no persija tau osan ba Xefe Suku sira iha RAEOA Opsaun mak PNDS tenki tutela iha Sekretariu Regional Adminstrasaun ho Dezenvolvimentu kumunitariu tanba iha signifika politika no papel instituisional estadu nian ne’ebé modalidade kulia kona-ba Dezenvolvimentu Ekonomiku liga ba Agrikultura.
RAEOA bele mos tau PNDS ba Dezenvolvimentu Komunitariu. Oecusse foin mak hahú, ZEEMS ne laos deit ba Oecusse maibe hare ba potensia kada area ho jestaun ne’ebé autonomi no husu povu rasik atu partisipa iha Dezenvolvimentu ne’e rasik ho PNDS fo ita nia hanoin Ba estadu, Ho PNDS fo ita nia hanoin ba autoridade foun, fo nafatin justifikasaun ba investimentu iha Oecusse, ho PNDS laos hare osan ne’ebé tau iha neba maibe hare mos kontriubuisaun husi povu ba rai ida ne’e, sa mak povu fo antes Governu halo investimentu iha komunidade nia le’et Ida ne’e mak filosofia husi PNDS rasik.
