Presidente Autoridade Munisipiu Bobonaro Jeferino Soares Ofisial abertura aktvidade suku vijita malu iha salaun Administrasaun Munisipal Bobonaro
Aktividade suku visita malu ne’e hala’o iha Munisipiu Bobonaro ne’ebé partisipa husu Ekipa Gestaun Sukus (EJS), no Chefe do Suku husi Munisipiu tolu ( Suku Vaviquinia, Munisipiu Liquisa, Suku Lalawa, Munisipiu Covalima, Suku Labonu Munisipiu Ermera) aktividade visita malu ne’e realiza iha data 26/2/2018 iha Postu Administrativu, Maliana Vila, Munisipiu Bobonaro.
Diretora Nasional PNDS, Dulce Guterres Junior ne’ebé akompanha mos aktvidade Suku visita malu ka estudus komparativu ne’e hateten objetivu prinsipál husi aktvidade ne’e mak atu lori komunidade sira husi Suku sel-seluk liu-liu ekipa Jestaun Suku atu hare no aprende aktividade ekonómiku husi Suku uma nain, nune’e sira iha ona referénsia hodi implementa aktividade ekonómiku hanesan negósiu ou buka moris.tamba Governo planeia ona atu aloka orsamentu ba implementasaun PREB iha tinan 2018.
Dulce Guterres Junior afirma liután katak implementasaun programa retornu ekonómiku basiku ( PREB) ne’e sei hahú uluk ho suku tolu ne’ebé hala’o dadaun estudus komparativu iha sira ida-idak nia suku ho orsamentu apoiu husi doadores molok governo aloka orsamentu.
Diretora PNDS, Dulce Guterres Junior esplika konaba objektivo prinsipal suku vijita malu
Entretantu Presidente Autoridade Munisipiu Bobonaro, Jeferino Soares iha nia abertura hateten katak agradese tebes ba polítika PNDS ne’ebé fo fiar ba Munisipiu Bobonaro hanesan uma nain hodi fahe esferensia ba Suku seluk hodi aprende buat ruma husi komunidade Munisipiu Bobonaro.
Lider masimu Munisipiu Bobonaro nee hateten katak Munisipiu ne’e potensial tebes ba agrikultura, nomos komunidade barak iha inisiativa hodi hala’o aktividade buka moris, tanba ne’e husu ba sira nebe hola parte iha atividade ne’e sei ba hare besik liu hodi bele aprende hodi sai esperiensia foun hodi implementa iha sira nia suku.
Depois de abertura husi Presidente Autoridade Munisipiu Bobonaro visita malu ka estudus komparativu ne’e ekipa ne’ebé kompostu husi EJS no chefe suku husi Suku Labonu, Suku Lalawa, Suku Babiquinha hamutuk ho estensionista no Diretor Delegasaun Munisipiu Liquisa, Covalima no Ermera akompanha Husi Diretora PNDS no estrutura nivel Nasional halao kedas primeiru visita fatin aktividade hodi hare besik liu inisiativa ne’ebé komunidade iha Suku Ritabou, Postu Maliana Vila, Munisipiu Bobonaro hala’o iha tereno,hanesan plantasaun kinur, PAD, Piloto hakiak karau, pilotu hare metan iha suku Ritabou no Tunu Bibi.
