Diretora Nasional PNDS, Dulce Guterres Junior Hala’o Abertura Treinamento ba Ema ho Defisiente Ne’ebé Hala’o Knar Nudar Ekipa Jestau Suku iha Implementasaun Programa PNDS iha Kupang, Indonesia.
Treinamento ba ema ho defisiente ne’ebé hala’o knar nudar Ekipa Jestau Suku iha implementasaun Programa PNDS realiza durante loron lima iha Kupang Indonesia husi data, 14-18/10/2019.
Diretora PNDS, Dulce Guterres Junior iha abertura hateten Objektivo prinsipál husi treinamentu ne’e mak atu bele kapasita ema ho defisinte ne’ebé halao knar nudar EJS hodi bele hala’o knar diak liu iha implementasaun PNDS, nune’e mos bele fahe mos esperensia ba maluk defisiente sira konaba esperensia neebe sira hetan atu bele aplika iha kondisaun moris ema ho defisiente.
Partisipante Sira Antuasiasmu Rona Esplikasaun Husi Formador Sira Husi Yayasan Bintang Timur Kupang, Indonesia.
Nune’e mos Chefe Unidade Operasional PNDS, Marcio J.Marcal F. Lihite hateten treinamentu ne’e nudar asaun konkoreta hodi bele kompleta aspetu balun ne’ebé ema ho defisiensia sira halo ona iha implementasaun Programa PNDS, espera katak ho treinamentu ne’e sira bele hetan referénsia ruma hodi aplika iha sira nia vida moris nudar humano.
Iha sorin seluk chefe Gabinete Vice Ministro Administrasaun Estatal Germano Brites wainhira observa no monitoriza atividade treinamentu ne’e hateten iha Aspektu balun Timor Leste diak liu maibe buat ne’ebé persija foti hanesan referénsia atu Timor Leste bele adapta tuir maka atendementu kapasitasaun ba ema ho defisiente persija halo ho espesífiku liu, ijemplu mak ema defisiensia matan tilun no fisiku hanesan liman no ain persija tau ketak-ketak atu bele hare didiak kapasitasaun espesífiku ba sira wainhira sira remata treinamentu sira bele iha koineshementu ne’ebé klean hodi hatu sira nia vida moris nudar humano hanesan mos ema bai-bain.
Partisipante Sira Hala’o Vijita ba Fatin Terreno, Yayasan Bintang Timur Kupang, Indonesia.
Materia treinamentu fahe ba parte rua parte primeiru ko-naba teoria ne’ebé foka ko-naba jestaun finansas, direitu ema ho defisiensia no seluk tan materia segundu mak vijita tereno hodi hare kondisaun real ema ho defisiensia ne’ebé hetan formasaun durante fulan nen to’o tinan ida no saida mk sira halo no pratika.
Husi vijita terreno nota katak formasaun ema ho defisiensia iha Kupang halao ho espesífiku liu, defisiensia tilun formador sira fo treinamentu ko-naba alfaiate, salon no karpintaria, defisiensia fisiku hanesan ain no lima foka ko-naba pedreiru.
