Diretor DANPP-MAE, Belarmino Neves halao Intervensaun iha Forum Planeamentu Integrado Munisipal no Nasional Konaba PAA PNDS 2018.
Forum integrado Munisipal no Nasional kona-ba plano asaun annual ba implementasaun Programa Nasional Desenvolvimentu Suku tinan 2018 hala’o iha JL Vila Fatuhada Dili, 10/04/2017
Diretora PNDS, Dulce Guterres Junior iha Intervensaun Sorumutu Integrado nee hatete sorumutu integrado nee hala’o ho intensaun atu bele diskuti hamutuk plano asaun annual ba tinan 2018. Sorumutu nee inportante atu bele fahe esperensia ba Diretor Delegasaun PNDS Munisipiu hodi bele fasilita diak liután elaborasaun plano asaun annual Munisipiu nian ba tinan 2018, Tuir Diretora katak inportante plano asaun annual tengki bazea ba emblofe fiskal ne’ebé sei deside husi Ministeriu nian.
Belarmino Neves nudar Diretor DNDAPP- MAE ne’ebé partisipa iha enkontru nee apresia ba inisiativa Sekretariado Tekniku PNDS ne’ebé hahú ona diskuti plano asaun annual, nune’e tuir Diretor nee katak iha formula ka kompila plano asaun annual tengki entrega mos ho mata dalan implementasaun hodi esplika mos kona-ba mata dalan nia relasaun ho plano ne’ebé iha, nune’e planu asaun annual ba futuru tengki konfiabel bazea ba dadus konkretu ne’ebé akontese iha nivel baze.
Diretor Delegasaun PNDS Munisipiu 12 inklui Chefe Unidade no Chefe Departamentu PNDS partisipa iha Forum Planeamentu Integrado konaba PAA PNDS 2018.
Iha oportunidade hanesan Diretor Nasional Administrasaun Finansas Munisipal-MAE, Valente Miranda informa mos katak oras nee dadaun Ministeriu Administrasaun Administarsaun Estatal fo ona intrusaun ba Presidente Autoridade Munisipal no Administador sira atu konvoka departamentu sira hodi halo hela reajustamentu ho estrutura orsamentu ne’ebé ejiste hela iha Munisipiu no parte balun ne’ebé persija aumenta iha Plano Asaun Annual orsamentu 2018.
Tuir Diretor Valente Miranda katak estrutura orsamentu tinan 2017 iha nivel Munisipiu iha deit kategoria tolu mak hanesan salario e vensimento, Bens serbisu ho transferensia públika, Estruturamentu salario vensimentu ba fungsionariu PNDS ne’ebé serbisu iha Nivel Munisipiu kontempla ona iha orsamentu salario vensimento orsamentu Munisipal.
