Vice Ministro e Ministru Ezersisiu Administrasaun Estatal, Abilio José Caetano, Hala’o Intervensaun iha Enkontru Kordenasaun ba Funsionariu PNDS iha Salaun Katedral, Dili.
Enkontru Kordenasaun Nasional no Munisípiu iha fulan Novembro hala’o iha Salaun Katedral Dili, 19-21/11/2019. Enkontru ne’e partisipa husi Diretora Nasional ST-PNDS, Team Leader PNDS-SP, Chefe Unidade, Chefe Departamentu, Kordenador PNDS 12 Munisípiu no RAEOA, Assesor, Kordenador FST no Funsinariu Nasional no Munisípiu mak hanesan Engineiru Munisípiu, Kontabilista Munisípiu no MIS.
Diretora Nasional PNDS, Dulce Guterres Junior, Hala’o Intervensaun ba Funsionariu PNDS iha Enkontru Kordenasaun Nivel Nasional no Munisipiu iha Salaun Katedral, Dili.
Objectivu husi Enkontru Kordenasaun Nasional no Munisípiu atu atualiza servisu Munisípiu no aprezenta progressu atividade husi kada munisípiu inklui RAEOA, Implementasaun Progresu servisu Faze 3 Siklu II, Konstrusaun Infraestrutura Edukativa no Fatin Halimar ka Playground.
Vice Ministro e Ministru Ezersisiu Administrasaun Estatal, Abilio José Caetano ne’ebé marka mos prezenza iha enkontru ne’e, kongratula funsionariu PNDS tanba hatudu prestasaun serbisu ne’ebé a’as hodi hetan konfiansa husi nasaun doadores hanesan Nova Zelandia hodi fo fiar konstrui uma polisia komunitariu, nune’e Vice Ministru Abilio José Caetano enkoraja nafatin funsionarius sira atu hala’o servisu PNDS ho diak, tanba komprimisiu foun Governu nia ba tinan fiskal 2020, sei fo konfiansa bo’ot ba funsionariu PNDS atu bele implementa obra infraestrutura basiku iha 2020.
Diretor Delegasaun Munisipiu Manufahi Aprezenta Progresu Servisu Konaba Implementasaun Faze 3 Siklus II, Konstrusaun Uma Edukativa no Playground.
Alende ne’e Diretora Nasional PNDS, Dulce Guterres Junior iha nian intervensaun Enkoraja nafatin Diretur Delegasaun PNDS 12 Munisípiu inklui RAEOA no Funsionarius PNDS husi Munisípiu, Postu Administrativus atu nafatin aplika prestasaun servisu profisional husi Munisípiu to’o terenu, tanba servisu ne’ebé PNDS hala’o, nudar responsablidade Governu nian hodi buka meus atu bele servi povo iha area rural.
Entretanto Team Leader PNDS-SP, Fiona Hamilton informa katak programa PNDS-SP muda ona naran ba PARTISIPA, signifika “parseria hodi Reforca Dezenvolvimentu iha Munisípiu no Suku”, tanba ne’e Team Lider PNDS-SP ne’e promote sei suporta implementasaun programa PNDS, tanba la iha programa ida ne’ebé ejiste iha territóriu Timor-Leste ke bele responde emidiatamente difikuldades ne’ebé komunidade enfrenta.
