Diretora PNDS, Dulce Guterres Junior halao intervensaun iha enkontru koordenasaun fulan Janeiru iha Salaun enkontru JL Vila Fatuhada Dili.
Enkontru Koordenasaun Nasional Sekretariado Tekniku PNDS iha fulan Janeiru 2017 hanesan enkontru koordenasaun hodi hametin linha koordenasaun serbisu ba tinan 2017, enkontru nee raliza iha salaun Enkontru JL Vila fatuhada Dili (27/01/2017)
Iha abertura enkontru nee Diretora PNDS, Dulce Guterres Junior hateten iha enkontru ohin sei diskuti pontus lima inportante mak diskuti kona-ba serbisu ne’ebé atinji ona durante tinan 2016, no esbosu prioridade tinan 2017 no esbosu priridades tinan lima nia hahú 2017 ate tinan 2022. No sei diskuti mos kona-ba apoiu tékniku ne’ebé fo husi Cardno, inklui mos pontus inportante kona-ba Saida mak PNDS persija iha 2017, no apoiu saida mak ita persija hadia 2017 ba oin. Diretora PNDS, Dulce Guterres Junior hateten, iha 2017 ita boot sira persija apa’ar didiak kona-ba orsamentu 2017 ne’ebé governo la aloka orsamentu barak ba PNDS, maibe ita so iha deit rihun 400 US$ no ba bens serbisu rihun 400 US$.
Tuir Diretora, Dulce Guterres katak ba futuru PNDS sei perpara estatutu Sekretariado Tekniku Programa Nasional Desenvolvimentu Suku (ST. PNDS) hanesan institute Publiku ne’ebé esbosu perpara diskuti no submete ona ba Vice Ministru da Administrasaun Estatal, ho nune iha diskusaun PNDS ne’ebé reprejenta husi Diretora akompanha husi dirjenti balun ho asesór sira hato’o ona paraser ba Vice Ministru hodi tau konsiderasaun maibé nee defende ba desijaun polítika.
Enkontru Koordenasaun Nasional Sekretariado Tekniku PNDS iha JL Vila, Fatuhada Dili.
Tuir Diretora katak iha esbosu estatutu foun nee fo autonomia finansas administrasaun signifika katak programa sei laiha mudansa maibé refere ba mudansa estrutura. Entermos lei tuir lei No 3 katak PNDS iha Distrito integra ba iha Planeamentu Munisipiu maibé iha kestaun Politika katak PNDS kontinua tutela ba iha estrutura Nasional.
Tanba nee Diretora PNDS, Dulce Guterres husu ba Diretor Delegasaun sira atu kontinua halo kordenasaun serbisu ho Autoridade Munisipiu hodi hein estatutu nee aprovado hodi revolga dekretu lei No 3 kona-ba integra PNDS ba Planeamentu Munisipiu.
Diretora reafirma mos katak iha tinan 2017, iha aktividade adisional ne’ebé PNDS persija hala’o mak implementasaun projetu fatin halimar ba labarik infantil sira husi ministériu da Educasaun, inklui projetu uma ba Polisia Suku ne’ebé apoiu husi Nova Zelandia no Programa Saemaul Undong husi Korea ne’ebé Ministru husu atu integra ho PNDS, iha Munisipiu Lautem, tanba nee iha enkontru ohin ita persija diskuti klean liu plano asaun no kordenasaun ne’ebé diak iha tinan 2017.
