Diretor Nasionál Patrimoniu no Logistika, Rogerio Muakandala Manuel ne’ebe reprezenta Sekretariu ezekutivu PNDS.
Diretor Nasionál Patrimoniu no Logistika, Rogerio Muakandala Manuel ne’ebe reprezenta Sekretariu ezekutivu PNDS partisipa iha soromutu kordenasaun entre Diretór Jerál no Nasionál no Xefe Departamentu sira iha salaun VIP-MAE.
Sorumutu ne’ebe hala’o iha MAE.
Iha soromutu ne’e DG-DGL, Antonio Augostu Guterres ne’ebe organiza sorumutu ne’e hatete Objetivu prinsipál husi sorumutu ne’e hodi prepara no mobiliza ekipa téknika konjunta ne’ebé sei koloka ba munisípiu hotu, hodi fó asisténsia téknika direta ba rekursus sira ne’ebé hatudu prestasaun servisu iha Autoridade Munisipál sira. Inisiativa ida ne’e pertinente tebes atu eleva kualidade funsionariu sira nia prestasaun servisu ba atendimentu públiku.
DG-DGL mos hatutan katak ekipa sira sei hala’o avaliasaun dezempeñu servisu sira iha Munisípiu, nune’e mós sei identifika problema sira ne’ebé Autoridade Munisipál sira hasoru hodi kumpre sira-nia dever.
Partisipa iha sorumutu ne’e Diretora Jerál TOU, Diretór INAP, Diretór Jerál Interinu SMAL, no mós Diretór Nasionál no Xefe Departamentu sira iha Ministériu Administrasaun Estatal nian.
