Komunidade Suku Bandudato dada lia ho Ekipa Komunikasaun PNDS konaba Benefisiu husi bee mos neebe kontrui iha Suku Bandudato, Municipiu Aileu
Liu husi Implementasaun Programa PNDS iha Suku Bandudatu, Postu Administrativo Aileu Vila, Municipiu Aileu, tuir Observasaun iha terreno (11/06/2015). Suku Bandudatu hanesan Suku ida partensi husi Aileu, lokaliza iha Postu Administrativo Aileu Vila, komunidade iha suku ida nee mayoria moris ho vida agrikultura.
Liu husi programa PNDS ne’ebé implementa iha sira nia suku, komunidade sira deside bee mos hanesan prioridade ne’ebé persija tau atensaun urgente iha sira nian Suku.
Benefísiu husi konstrusaun bee mos nee mak oras nee dadaun komunidade sira hahú ona aproveita bee ne’ebé iha hodi desenvolve sira nian aan, ijemplu mak hanesan komunidade sira hahú ona aproveita bee nee hodi fungsiona sira nia kintál ne’ebé durante nee abandona hela kuandu tempu bailoron, sira bele uja ona ba kuda modo, alende uja ba nesesidade basiku.
Tuir komunidade sira, katak bee nee fasilita tebes sira, uluk kuandu seidauk dada bee nee mai iha sira nia fatin susar tebes ba sira atu hetan bee mos, maibe agora fasil no besik los, sira bele hetan bee mos alende nee sira mos bele uja ba kuda ai horis, kuda modo no hakiak animal no buat seluk
Tanki bee mos iha Suku Bandudato, Postu Administrativo Aileu Vila, Municipiu Aileu
ne’ebé sira persija atu halo, fasil los ba sira, fasilidade bee ba sira la sai ona kestaun ne’ebé difikulta sira nia moris loron-loron.
Konaba manutensaun komunidade sira hateten, ami sempre halo manutensaun rutina ba ami nia instalasaun bee mos, kuandu aat ka intipidu iha bee matan central ami sempre organiza malu hodi hadia. Esperea katak ami bele utuliza intalasaun bee mos ne’ebé dada mai ona iha ami nia suku hodi dezenvolve ami nia moris iha futuru.
