Dulce Guterres Junior, Diretora Jestaun Operasional PNDS, akompanya husi Alvaro Ribeiru (Assessor/Manajer FST) ho Erna Suryani (Assessor Finansa) halo abertura treinemntu, iha Joao Paulo II, Comoro-Dili
Refreshing Training kona-ba oinsá atu organiza relatóriu finansas ho di’ak ba kontabilista nasionál PNDS no ekipa apoiu terrenu ka Field Support Team (Joao Paulo Segundo, 12/01/2015).
Treinamentu nee sei hala’o durante loron lima, hodi bele kapasita koineshemento kontabilista nasionál PNDS no FST iha kestaun kontabilidade liu-liu oinsá halo arkivu finansas( pembukuan) nomós halo relatóriu finansas.
Diretora Jestaun Operasional Programa PNDS, Dulce Guterres junior, ne’ebé hala’o abertura ba treinamentu ne’e, husu ba partisipante sira atu bele aproveita didi’ak oportunidade nee hodi bele aumenta koineshemento kona-ba kestaun kontabilidade no finansas.
Erna Suryani , hanesan asesoria ba finansas PNDS fasilita hela treianmentu
Entretantu tuir asesóra ba finansas PNDS, Erna Suryani ne’ebé fasilita treinamentu ne’e, hatete katak objetivu husi treinamentu ida ne’e mak atu bele kapasita di’ak liután koineshemento kontabilista nasionál PNDS no FST sira iha kestaun finansas atu nune’e bele fasilita komunidade sira di’ak liu tan, iha treinamentu ne’e mós bele fahe esperiensia ba malu kona-ba kestaun oinsá organiza relatóriu finansas ho di’ak.
Erna Suryani hateten durante loron lima nee, treinamentu sei foka liu kona-ba arkivu finansas nian (pembukuan) no relatóriu finansas, maibé iha loron ikus husi treinamentu nee se posibel bele aumenta mós matéria kona-ba monitorizasaun, oinsá mak FST no kontabilista sira bele hala’o monitorizasaun ho di’ak liu.
Kontabilista Nasional PNDS ho FST sira iha seriedade tuir treinamentu
Tuir Erna Suryani katak kestaun arkivu finansas (pembukuan) no relatóriu finansas sai hanesan xave importante atu bele hetan relatóriu ne’ebé justu, karik relatóriu gastus la los maka relatóriu ne’ebé halo konsidera hanesan lixu, maibé bainhira kestaun hirak nee alista ka hakerek ho di’ak tuir gastus ne’ebé iha mak sei bele fasilita relatóriu ho di’ak no justu.
Husi treinamentu ne’ebé sira hetan espera katak bele habelar ba kontabilista distritu sira atu nune’e sira bele transfere ba fasilitadór finansas sub-distritu hodi nune’e bele fasilita komunidade ho di’ak.
