Vise Ministru Administrasaun Estatal Jacinto Rigoberto Gomes de Deus, Ofisialmente tesifita ba inagurasaun Be’e Mos iha suku Poetete.
Vise Ministru Administrasaun Estatal, Jacinto Rigoberto Gomes de Deus Akompaña husi Sekretáriu Estadu Ensino Secundária Geral, Domingos Lopes Lemos hamutuk Prezidente Autoridade Munisipal Ermera, Jose Martinho do Santos Soares, Sekretáriu Ezekutivu PNDS, Amandio Paulino Gastão Do Rosário De Sousa inagura projetu Programa Nasional Dezenvolvimentu Suku no Projetu Programa Dezenvolvimentu Intregradu Munisipal iha Suku Poetete, Postu Administrativu Ermera Vila, Munisipiu Ermera.
Vise Ministru Administrasaun Estatal akompaña husi Sekretáriu Estadu Ensino Secundária Geral loke torneira Be’e Mos iha suku Poetete.
Iha seremonia inagurasaun ne’e Vise Ministru Administrasaun Estatal hatete ohin ita mai iha ne’e atu kongretiza Asu-Wain Heroi sira nia mehi, Sira nia Moto dehan hanesan ne’e (Liberta Patria no Povu) hodi soe sira nia Vida Rihun Atus Rua Resin, hodi atu Liberta Povu, Ita ohin mai iha ne’e Inagura Faselidade, Be’e Mos no Eskola, ida ne’e nia objetivu atu Liberta Povu.
Vise Ministru Administrasaun Estatal mos hatutan katak Ermera hanesan mos fatin ida ba heroi sira ne’ebe didika sira nia an ba Timor nia ukun-an ita nia heroi sira mos tau rai ermera hanesan fatin ida sira temi Regiaun 4 sai nudar Eroi ne’ebé kontribui ba ukun-an, ita agradese ita nia Aman Dudu sai sasin no Komando iha fatin ne’e.
Vise Ministru Administrasaun Estatal Asina Plaka ba Projetu husi PDIM.
Nudar Ermera Oan kuandu liu husi fatin ne’e hare kondisaun grave tebe-tebes, asesu estrada iha tempo udan hanesan ne’e araska los, Be’e laiha e Eletrisidade mos laiha, maibe lato tinan rua faselidade basiku sira ne’e iha ona, Ida ne’e ita bele dehan katak husi kondisaun minumu ita komesa hahu dadauk ona, seidauk kompletu maibe ita komesa hahu ona”
Projetu ne’ebe inagura husi Programa Governu nian Konstrusaun Rehabilitasaun Be’e Mos ba Faze 1 Siklus VI no Konstrusaun Eskola EBF Hulamera. partisipa iha serimónia inaugurasaun ne’e marka mós prezensa husi Pressidente Autoridade Munisipal Ermera, Administrador Postu, Komandante PNTL Munisipiu, Komandante FFDTL Munisipiu, Sekretáris Munisipais no Diretores linhas Ministerial Munisipiu Ermera, Xefe Suku, Juventude no Komunidade.
