Programa Nasionál Dezenvolvimentu Suco ne’ebé nia konseitu Dezenvolvimentu hahú husi nivel base iha oportunidade enkontru entre nasaun atus ida resin ne’ebé konsiderado husi UNO hanesan nasaun ne’ebé menus Dezenvolvimentu, iha Korea do Sul (24 Juni 2014), bainhira Ministru Administrasaun Estatál Jorge Teme no Coo-Chefia/DGDL Miguel Pereira de Carvalho aprezenta kona-ba implementasaun Programa Nasionál Dezenvolvimentu Suco (PNDS)Timor Leste hetan apresiasaun.
Ministru Administrasaun Estatál, Jorge Teme, no Diretór Jeral Dezenvolvimentu Lokál, Miguel Pereirra de Carvalho, ho sira-nia ekipa iha enkontru, iha Korea.
Jornalista halo intervista ho Ministru Administrasaun Estatál, Jorge Teme kona ba PNDS
Ministru Administrasaun Estatál, Jorge Teme informa Enkontru ne’ebé ko’alia kona-ba oinsá hasa’e kapasidade governasaun ninia iha area administrasaun, funsaun publika, liu-liu fokus ba nasaun sira ne’ebé menus desenvolvido, ho nune’e Nasaun Unidu atraves husi seksaun ne’ebé responsabiliza kona-ba setór públiku no administrasaun akomoda no konvida país kuaze atus ida resin hodi bele diskute dezafiu no oinsá dejeiza susesu Dezenvolvimentu Milenium (MDG), tuir Ministru Administrasaun Estatál Jorge Teme konseitu Dezenvolvimentu Timor Leste nian mak programa PNDS ne’ebé hahú implementa iha inisiu 2013. PNDS nudar programa ida ne’ebé Timor Leste implementa atu bele responde objetivu programa Millennium Development Goals (MDG).
Coo-Chefia/Diretór Jeral Dezenvolvimentu Lokál, Miguel Pereirra de Carvalho afirma katak
Coo-Chefia/DGDL, Miguel Pereira de Carvalho halao aprezentasaun kona ba PNDS iha Korea
iha enkontru nee Timor Leste iha oportunidade hodi aprezenta kona-ba konseitu programa PNDS ne’ebé hala’o iha Timor Leste, katak konseitu Dezenvolvimentu ne’e tenke hahú husi nivel baze mak mai, la’os hahú husi Central ka Governu Nasionál tun ba. Iha PNDS Governu Timor Leste hakarak fo oportunidade ba komunidade suku no aldeia atu halo Dezenvolvimentu rasik tantu hahú husi planu, implementa, jere rasik sira nia orsamentu nomós halo manutensaun.
Konseitu Dezenvolvimentu ne’ebé aprezenta husi Ministru no Diretór Geral hetan komentáriu ne’ebé pozitivu husi nasaun barak porezemplu hanesan Salomon no Namibia, sira apresia tebes ho apresentasaun Timor leste kona-ba konseitu programa PNDS ne’ebé hahú husi nivel base. Nasaun hirak nee apresia tanba Timor Leste hanesan nasaun foun no ki’ik iha oportunidade para atu hala’o Dezenvolvimentu ho di’ak ba nasaun no povu Timor Leste.
Programa Nasionál Dezenvolvimentu Suku hanesan programa governu Timor Leste nian, lidera husi Ministériu Administrasaun Estatál ho Ministériu Finansas inklui mós ministériu sira seluk. Iha programa ida ne’e Governu Timor leste servisu hamutuk mós ho Governu Australia.
