Diretora PNDS, Dulce Guterres Junior Akompanha husi Reprejentante Partisipa sr. Abilio de Araujo halao abertura ba Refreshing Treinamento POM
Treinamentu POM refresher Nivel Nasional ne’e partisipa husi Diretora Nasional ST-PNDS, Chefe Unidade, Chefe Departamentu, FST no Assesor PARTISIPA, Funsionariu Sekretariu PNDS Nasional ne’ebé mak realiza durante loron ha’at iha salaun Joao Paulo II Comoro, Dili; 16-19/06/2020.
Objectivu husi treinamentu POM refresher nivel nasional mak atu hetan Komprensaun ida hanesan ba manual implementasaun programa ne’ebé PNDS utiliuza durante ne’e inklui revisaun no Mudansa ba progresu no mata dalan implementasaun PNDS ba siklu III nia alende ne mos atu sai treinador ba treinamentu iha nivel munisipiu revizaun no mudansa ba progresu no matadalan implementasaun PNDS siklu III nian.
Iha intervensaun ne’ebe hato’o husi Diretora Nasional ST-PNDS, Dulce Guterres Junior ba sesaun abertura nia laran katak ohin loron ita halibur malu hamutuk iha ne’e atu fahe informasaun ne’ebe hanesan tama durante ne’e, buat balun mak ita haluha aproveita ho referesher training ida ne’e atu refresh ita nia kakutak maibe ita mos hare katak sekarik sujestaun balun ne’ebé dehan katak format balun lapresija uza entaun ita la presija uza.
Partisipante sira rona hela introdusaun balun husi asesor tekniku konaba kestaun tekniku nian
Alende ne’e Diretora Nasional ST-PNDS, Dulce Guterres Junior hatutan katak, ita mos sei kolia konaba implementasaun fundus Covid-19 liuliu nia alokasaun ba suku sira ne’eb é tama iha faze 1 porvolta 159 suku no aumenta mos suku 3 ne’eb é mak afeita ba dezastre naturais iha munisipiu dili, ne’e signifika katak ita sei implementa iha 152 sukus ba faze 1 siklu III
Reperezentante Team Leader PARTISIPA, Abilio de Araujo hanesan Capacity Development Adviser iha PARTISIPA hato’o nia intervensaun katak durante loron ha’at treinamentu POM refresher ne’ebé hala’o iha topiku diferente mak hanesan Sosial, Tekniku no Finansas ho objectivu atu treinador hothotu apar Meteria sira ne’ebé aprezenta durante loron ha’at nune’e iha komprensaun ne’ebé hanesan hodi transmiti informasaun ne’ebé hanesan konaba ita nia implementasaun, alende ne’e Reperezentante Team Leader PARTISIPA, Abilio de Araujo mos informa katak iha mos informasaun badak kona ba Surtu COVID-19 ne’ebé mak sei hato’o husi NGO Maluk Timor durante treinamentu nia laran.
