Diretora PNDS, Dulce Guterres Junior, fo hela ninia intervensaun iha Seminariu Kona-ba Partisipasaun no Hakbi’it Feto Hodi Hasaé Redemento Ekonomia Familia Nian Liu Husi Programa Dezenvolvimento Suku ba Implementasaun Programa PNDS iha Munisipiu Aileu.
Semináriu kona-ba partisipasaun no hakbi’it feto hodi Hasaé redemento ekonomia familia nian liu husi programa dezenvolvimento suku ba implementasaun programa PNDS hala’o iha salaun Bombeiros, Munisipiu Aileu 17/05/2017.
Abel da Conceicao, hanesan Diretor PNDS Munisipiu Aileu, fo nia intervensaun kona-ba Seminariu ida ne’e.
Semináriu ne’e hala’o ho objetivu atu fahe istória diak no susesu husi komunidade liu-liu maluk feto sira nia partisipasaun iha dezenvolvimento komunidade iha PNDS, oinsá PNDS lori benefísiu liu husi partisipasaun ho hakbi’it feto iha ekonomia familia no mos hanesan meus atu enkoraja komunidade tomak liu-liu feto atu hola parte iha dezenvolvimento nasaun ne’e.
Dulce Guterres Junior, nu’udar Diretora Nasional Programa PNDS ne’ebe partisipa iha Seminariu ne’e hatete katak ida ne’e diak tebes ba maluk feto sira tamba bele fahe esperensia no informasaun husi istoria diak para bele motiva maluk feto sira nomos atu hasa’e sira nia kapasidade atu no enkorajen feto maluk sira atu kontinua
involve an nafatin no partisipa barak liu tan iha prosesu tomak hodi bele hadi’a diak liu tan implementasaun programa PNDS iha nivel aldeia no suku.
Ekipa KPA Suku Liurai, Postu Administrativu Aileu Villa, Munisipiu Aileu, fahe esperensia durante involve an iha dezenvolvimento komunidade iha implementasaun programa PNDS.
Iha parte seluk Diretor Delegasaun PNDS Munisipiu Aileu, Abel da Conceicao hatete to ona tempo maluk feto sira atu fahe esperensia no informa ba malu husi istória diak no susesu ne’ebe maluk feto sira hetan durante partisipa no involve an ba dezenvolvimento komunidade iha implementasaun programa PNDS.
Iha semináriu ne’e mos aprezentasaun husi Reprezentante SEM, kona-ba esperensia SEM iha Dezenvolvimento Socio-Ekonomia maluk feto Timor nomos aprezentasaun husi Diretora Rede Feto, kona-ba papel sociedade sivíl iha dezenvolvimento Socio-Ekonomia feto.
Seminariu ida ne’e hetan entuziazmu tebes husi partisipante sira tanba iha prosesu aprezentasaun nia laran hetan ideia barak no maluk feto sira fahe esperensia lubuk ida kona-ba susesu involvement feto sira nia iha dezenvolvmento komunitariu iha implementasaun programa PNDS iha sira nia suku.
Partisipasaun husi semináriu loron ida ne’e partisipante ne’ebe partisipa hamutuk ema 150 ne’ebe kompostu husi ekipa jestaun suku (EJS), Chefe Suku, Chefe Aldeia, Reprezentante Presidente Autoridade Munisipiu Aileu, Reprezentante SEM, Diretora Rede Feto, Reprezentante husi DFAT, Linhas Ministerial munisípiu Aileu, Diretora Nasional PNDS, Diretor Delegasaun Munisipiu Aileu, funsionáriu PNDS Nasionál, Munisípiu no Postu Administrativu, inklui mós Ekipa Suporta Terrenu (Field Support Team (FST)) husi Ajénsia Cardno.
