Sua. Exsa Prezidente Taur Matan Ruak, Inagura Sentru Komunitariu Multi Funsaun iha Aldeia Kulau, Suku Fatubosa, Munisipiu Aileu
Durante semana ida Sua. Ex. Cia Prezidente da Repúblika Taur Matan Ruak iha programa vizita Suku iha Munisípiu Aileu, alende diálogu direita ho komunidade Suku, Prezidente da Repúblika utiliza mós oportunidade ba hare besik no halo inagurasaun projetu PNDS ne’ebé implementa direita husi komunidade.
“PNDS la’os deit fó kbiit atu sira involve an iha projetu sira, maibé liu-liu lori benefísiu imediatu ba sira nia moris loron-loron”, hato’o husi Sua. Ex. Cia Prezidente da Repúblika Taur Matan Ruak, bainhira halo diálogu ho komunidade iha Suku Bandudato, Postu Administrativu Aileu Vila, Munisípiu Aileu.
Iha inaugurasaun ne’e Prezidente elojiu no kontente tebes tanba povu hatudu ninia boa vontade atu involve direita iha prosesu dezenvolvimentu nasaun ninia, programa PNDS fó kbiit nomós benefísiu imediata ba komunidade, Prezidente husu ba VI Governu Konstitusionál atu mantein programa ida ne’e tanba programa PNDS sai hanesan Investimentu ba Dezenvolvimentu Estratéjiku.
Xefe Suku Madabeno, Francisco Rodrigues Pereira hatete katak Programa PNDS ne’ebé la’o iha sira nia Suku, responde duni komunidade nia problema dezenvolvimentu. Iha implementasaun programa PNDS iha Suku Madabeno, ba dahuluk komunidade deside rehabilitasaun sentru komunitáriu multi funsaun mak sai hanesan prioridade as liu no nia rezultadu mak finaliza no hetan inagura husi Sua. Ex.Cia Prezidente.
Sentru komunitáriu iha Suku Madabeno sai hanesan fatin ba atendementu públiku tanba nia multi funsaun, alende
Ofelia Guterres, hanesan Mediku Jeral husi munisipiu Aileu, esplika hela kona importansia sentru komunitaria
fatin ba enkontru atividade Suku, utiliza mós fatin ba halo tratamentu saúde inan isin rua nomós moras sira seluk.
“Fatin ida ne’e ami utiliza hodi konsulta inan isin rua nomós moras sira seluk, ami mós tau ai-moruk iha fatin ida ne’e para bele fasilita komunidade sira iha ne’e”, hato’o husi Ofelia Guterres, hanesan Médiku Jeral husi Munisípiu Aileu.
Xefe Suku Fatubosa, iha ninia diskursu rekomenda ba Sua. Ex. Cia Prezidente Taur Matan Ruak atu fó hanoin ba VI Governu Konstitusionál atu nune’e bele implementa no melhora liu tan programa PNDS iha Suku hotu iha Timor laran, tanba programa PNDS ne’e governu hakbesik an duni dezenvolvimentu iha Suku no Aldeia iha territóriu tomak.
“Programa PNDS ne’ebé governu implementa tinan-tinan, mesmu ho subsídiu ne’ebé ki’ik, responde duni komunidade nia preokupasaun kona dezenvolvimentu”, hato’o husi Jose da Costa, Xefe Suku Fatubosa.
Programa PNDS la’os atu responde deit ejijénsia dezenvolvimentu ne’ebé mak komunidade enfrenta, maibé kapasita mós komunidade sira oinsá bele identifika rasik problema dezenvolvimentu iha suku no aldeia laran, atu nune’e bele fó kbiit ba komunidade rasik mak jere programa, halo planu, implementa, no halo operasaun ho manutensaun.
Projetu hirak ne’ebé hetan inaugurasaun ne’e mak Rehabilitasaun Sentru Komunitaria multi funsaun iha Suku Madabeno, Aumenta Sala Eskola iha Suku Seloi Kraik, Konstrusaun Sentru Komunitáriu Multi Funsaun iha Suku Fatubosa no Konstrusaun Bee Mós iha Suku Bandudato.
-
- Komunidade Suku Fatubosa antusiasmu tebes simu Sua. Exsa Presidente Taur Matan Ruak
-
- Sentru ne’e sai mos hanesan fatin medisina sira atu tau aimoruk halo tratamentu saudi
-
- Prezidente da Republika Inagura projetu programa Bee Mos iha Suku Bandudato, Aileu
-
- Sentru Komunitaria multi propozitu iha Suku Madabeno, Postu Administrativu Aileu
-
- Ofelia Guterres, hanesan Mediku Jeral husi munisipiu Aileu, esplika hela kona importansia sentru komunitaria ba ekipa komunikasaun
-
- Sua. Exsa Presidente Taur Matan Ruak, Inagura Sentru Komunitariu Multi Funsaun iha Aldeia Kulau, Suku Fatubosa, Aileu
