Sekretariu Ezekutivu PNDS abertura Formasaun Manual Operasaun PNDS iha RAEOA.
Sekretariu Ezekutivu PNDS Amandio Paulino Gastão do Rosario de Sousa Akompaña husi Sekretariu Rejional Administrativu RAEOA, Andre Lao abertura atividade formasaun Manual Operasaun PNDS iha RAEOA.
Funsionariu PNDS RAEOA partisipa iha Formasaun Manual Operasaun PNDS.
Iha atividade formasaun ne’e Sekretariu Ezekutivu PNDS, hatete formasaun ida ne’e pertinente tebes ba funsionariu PNDS Munisipiu tu kaderniza funsionariu sira nia konesementu no abilidade atu nune’e funsionariu sira bele mentaliza sira nia knaar ho responsabilidade bele implementa programa tuir matadalan PNDS no Politika Governu nian ne’ebé hakarak Dezenvolvimentu tenki hahú husi Suku no tenki partisipa masimu husi komunidade.
Sekretariu Ezekutivu PNDS mos hatutan katak, atu funsionariu servisu PNDS iha Autoridade RAEOA tenki servisu ekipa linha kordenasaun di’ak tenki servisu profesional no transparante ba komunidade, aleinde ne’e funsionariu PNDS sira kolabora ho komunidade sira iha Suku hotu ne’ebé eziste iha Autoridade RAEOA. Tanba ne’e formasaun ida ne’e bele aumenta imi nia konesementu e halao servisu tuir matadalan no normas atu nune’e bele alkansa metas ne’ebé planu husi Governu Sentra. atividades formasaun ne’e hala’o iha Munisipiu 13 inklui Administrasaun Administrativu Atauro. Partisipa iha formasaun Manual Operasaun PNDS iha Diretor Servisu Munisipiu Apoiu PNDS no funsionariu PNDS RAEOA
