Enkontru kordenasaun serbisu ida ne’e hala’o ho nia objetivu atu dezenvolve
Delfim de Jesus, Diretor Delegasaun PNDS Munisipiu Lautem, hato’o introdusaun kona ba enkontru kordenasaun nivel Munisipal
kordenasaun servisu funsionáriu PNDS ninia di’ak liu tan iha implementasaun programa PNDS tuir planu serbisu PNDS ne’ebé define ona, enkontru ida ne’e realija iha Administrasaun do Munisípiu Lautem (10/02/2015)
Kordenadór delegasaun PNDS Lospalos Delfim de Jesus, hatete katak “Enkontru
idanee importante tebes atu transmiti informasaun ba malu husi funsionáriu postu ida-idak kona-ba progresu implementasaun no difikuldade ne’ebé pesoál PNDS enfrenta iha implementasaun”. Nia hatutan katak katak : “Xavi ba susesu implementasaun programa PNDS mak dixiplina no servisu hamutuk ekipa, tanba ne’e husu ba funsionáriu PNDS hotu atu servisu tuir hamutuk tuir oráriu ne’ebé iha ona”.
Enkontru kordenasaun ida ne’e akompaña husi Co-Chefia/DGDL Sr. Miguel Pereira de Carvalho, iha ninia intervensaun hatete katak : “Programa PNDS laos hanesan projetu, maibé PNDS hanesan programa ida ne’ebé mai husi governu, fó oportunidade tomak ba komunidade sira para atu bele partisipa iha dezenvolvimentu en jerál, no espesiál iha suku ida-idak.
Funsionariu PNDS Munisipiu Lautem partisipa iha enkontru kordenasaun nivel Municipiu
Programa PNDS ho nia filozofia maka atu hasa’e kondisaun sósiu ekonómiku no governasaun lokál ba feto ho mane sira iha suku laran liu husi orsamentu ne’ebé governu aloka direitamente ba suku, ita espera katak depois de implementasaun programa ida ne’e iha tinan 8 nia laran, bele iha mudansa signifikante ba kondisaun sósiu ekonómiku komunidade ninia iha territóriu tomak.
Iha oportunidade nee Co-Chefia/DGDL husu atu kuidadu didi’ak fasilidade ne’ebé iha atu nune’e bele fasilita serbisu tékniku sira nia iha implementasaun programa PNDS, nia husu atu funsionáriu sira haka’as an nafatin hodi fasilita komunidade sira hodi partisipa iha dezenvolvimentu iha suku laran.
Espera katak ho enkontru kordenasaun ne’ebé hala’o bele hametin liu tan kordenasaun servisu iha implementasaun programa PNDS iha territóriu hotu.
