Diretora PNDS, Dulce Guterres Junior, fahe informasaun konaba lala’ok implementasaun PNDS iha Teritoriu Timor Leste
Diretora PNDS, Dulce Guterres Junior desimina informasaun nee wainhira hetan konvite hodi hala’o palestra ba partisipante treinamentu fasilitador World Vision nian iha salaun centru Juvenil, Taibesi Dili, 11/06/2018
Iha Palestra Diretora PNDS, Dulce Guterres Junior hateten implementasaun programa PNDS bazea ba enkuadramentu legais lubuk ida mak hanesan Lei Nu 3/2009, konaba Lideransa tradisionál, Dekretu Lei Nu 4/2012, Planeamentu Dezenvolvimentu Integradu Distrital, Rezolusaun Governo Nu. 1/2012, Aslera Dezenvolvimentu Komunitariu, Diploma Ministerial Konjunta Nu. 22/2012, komisaun Inter-Ministerial no Grupu Trabalho Tekniku Inter-Ministereial, no enkuadramentu seluk maka Dekreto Lei Nu. 30/2015 10 alterasaun ba Dekretu Lei Nu. 8/2013 no mata dalan implementasaun programa PNDS.
Diretora PNDS, Dulce Guterres Junior hateten husi enkuadramentu legais hirak nee maka hahú husi inisiu implementasaun ate agora PNDS konstrui ona projetu hamutuk 1.374. husi númeru nee barak liu mak projetu bee mos no saneamentu hamutuk projetu 547, tuir fali projetu dalan ponte no controla de cheias hamujtuk 440 projetu, edukadaun cultura no desportu 91 projetu, saude hamutuk 46 projetu, agrikultura, seguransa alimentar no buka moris 38 inklui projetu seluk seluk hamutuk 212 projetu.
Partisipante treinamentu fasilitador World Vision rona hela aprezentasaun Diretora PNDS
Diretora afirma ho sistema ne’ebé PNDS iha oras nee dadaun PNDS implementa mos projetu pilotu uma ba ofisiál polísia suku hamutuk 14 iha territóriu Timor Leste husi distritu 12 inklui RAEOA, no projetu hirak nee maioria finaliza ona no sei entrega ba komando PNTL hodi koloka pesoál polísia suku ba fatin refere.
Ho sistema PNDS ne’ebé iha alende implementa Uma OPS, liu husi kooperasaun ho Ministeriu Educasaun mos halo ona akordu ho PNDS atu implementa Play ground ou fatin halimar ba labarik sira iha ensinu pre-eskolar.
Alende aktividade hirak nee, diretora salient mos katak liu husi PNDS ho orsamentu estadu PNDS sei implementa mos programa retornu ekonómiku basiku no buka moris hodi bele fortifika ekonomia povo iha baze atu bele alkansa desenvolvimentu nasionál iha futuru. Pilotu ba programa retornu ekonómiku basiku nee sei hala’o iha Munisipiu Covalima iha Lalawa, Munispiu Ermera sei halo iha Suku Labonu no Munisipiu Liquisa sei hala’o iha Suku Vaviquinia.
