- Partisipante sira rona hela apregentasaun konaba prosesu aprovizionamento
Prosesu aprovizionamento PNDS nian ne’ebé hakerek iha Manual Operasaun Programa (MOP) PNDS, mak hanesan mata dalan ba prinsípiu atu regula implementasaun programa PNDS.
Atu bele apar didi’ak implementasaun programa tuir prinsípiu ne’ebé hakerek iha Manual Operasaun Programa (MOP) PNDS, funsionáriu PNDS hamutuk ho funsionariu Cardno hala’o enkontru hodi diskute kona-ba esperensia prosesu aprovizionamento ba programa PNDS ne’ebé durante nee hala’o iha nivel Suku. Enkontru nee hala’o iha Dili (24/03/2015)
Objektivo husi enkontru nee mak atu bele fahe esperencia ba malu hodi kapasita di’ak liután funsionáriu sira nia koineshemento, ba polítika aprovizionamento PNDS atu nune’e bele ajuda komunidade sira no fahe informasaun ba fornesedor kona-ba tipu materiais kontruksaun ida oinsá mak komunidade sira persija ba kontruksaun obra. Iha enkontru nee diskute klean kona-ba oinsá ekipa implementasaun programa (EIP) bele jere prosesu sosa sasan nebe uza ba obra husi PNDS nian, identifika fornesedor hodi fornese materiais kontruksaun, baseia duni ba polítika Aprovizionamnetu PNDS nian. Ligadu ho polítika aprovizionamentu PNDS, iha enkontru nee diskute mos oinsá hahu halo sorumutu planeamento aprovizionamento ne’ebé halo husi ekipa implementasaun programa (EIP) no fasilitador sub distritu halo planu ba aprivizionamentu inklui bainhira mak persija sosa materiais ne’ebé halista ona iha BOQ, no halibur kotasaun husi fornesedor.
Partisipante sira rona instrusaun konaba treinamento
Tuir Manual Operasaun Programa (MOP) etapa ida husi Prosesu aprovizionamento mak rekoilha kotasaun hodi loke iha fatin públiku no kontinua avalia kotasaun husi fornesedor sira, iha prosesu ida nee membru EIP sira sei responsabiliza atu loke no avalia kotasaun iha fatin públiku depois rekomenda kona-ba fornesedor ne’ebé preferidu hodi kontinua halo verifikasaun ba fornesedor ne’ebé selesionadu tuir klasifikasaun hodi fornese materiais konstrusaun ba komunidade sira.
Espera katak ho enkontru nee, tantu funsionáriu PNDS no funsionáriu Cardno ne’ebé fo apoiu ba implementasaun programa nee sei iha koineshemento ne’ebé klean hodi bele fasilita di’ak liután komunidade sira oinsá halo prosesu aprovizionamento tuir prinsípiu no mata dalan programa PNDS.
