Vice Ministru Administrasaun Estatal, Tomas do Rosario Cabral Avertura Enkontru Determinasaun Prioridade (PIIM) iha Suku Hohorai, Posto Administrativo Laclo, Munisipiu Manatuto.
Lançamentu ba Plano Investimentu Integrado Munisipal (PIIM) husi Munisipiu Manatuto ofisiál lança husi Vice Ministro Administrasaun estatál, Tomas do Rosario Cabral iha Suku Hohorai, Postu Administativo Laclo, Iha loron (28/02/2017).
Vice Ministru da Administrasaun Estatal, Tomas do Rosario Cabral hafoin Lança Plano Investimento Intregado Municipal hatete, konselho suku rasik tengke hamosu ideia atu atende nesidade basik komunidade nian no tengke hahú ona halo planu programa Prioridade investimento basiku husi munisípiu to aldeia.
Tuir vise Ministru da Administrasaun Estatal katak linha ministerial hotu-hotu tengke fo asistensia téknika ba programa ne’e atu nune’e administrasaun munisipál bele elebora orsamentu ho diak. Tanba ne’e involvimentu komunidade no linha sectoral sira iha determinasaun prioridade aldeia to Suku inportante atu bele sinkroniza planu sektoral baze ba prioridade ne’ebé komunidade sira propoint.
Komunidade Suku Hohorai partisipa iha enkontru Determinasaun Prioridade (PIIM).
Iha parte seluk Administrador Munisipiu Manatuto, Fernando Sousa Junior hatete, Munisípiu Manatuto prontu no optimis atu implementa programa ne’e, tanba fungsionariu administrasaun Munisipiu Manatuto sufisiente atu bele kontrola implementasaun Plano Investimentu Integrado Munisipal to’o iha Nivel Aldeia.
Ho lançamentu Plano Investimentu Integrado Munisipal (PIIM) iha Suku Hohorai mak komunidade husi aldeia no suku ne’ebé partense husi Munisipiu Manatuto sei hahú determinasaun prioridade iha loron 06/03/2017.
Partisipante ba lançamentu ne’e mak komunidade suku Hohorai rasik inklui reprejentante linha sektorais, Chefe tomak husi Manatuto, Administrador Postu nen, inklui Administador Munisipiu.
