S.Excia ministru Administrasaun Estatál, Dr. Valentim Ximenes, halo intervensaun wainhira halo enkotru ho autoridade Baucau iha nia premeira vizita iha munisipiu Baucau.
Iha loron 29/09/2017, Ministru Administrasaun Estatál, Valentim Ximenes, hala’o primeira vizita iha munisípiu Baucau hodi hatene atividade servisu funsionariu nian. Enkontro ne’e Akompanha husi Sekretária Munisipiu, Diretor husi liña Sektorais Munisipiu, Administrador do Posto 6 nomo’s Funsionáriu Munisípiu.
Objetivu husi primeira vizita ne’e atu hare’e, presidenti autoridade ho ninia pesoál sira oinsá sira halo preparasaun atu bele lori lalais dezentraliza poderes ba iha munisípiu baucau iha tempu badak depende ba lei ne’ebé mak aban bairua fo tun mai kraik.
Iha primeira enkontru iha munisípiu Baucau, S.Excia ministru Administrasaun Estatál, Dr. Valentim Ximenes, hatete importante liu mak oinsá mak prepara administrasaun ida ne’e funsiona ho diak, ema servisu tuir ordem, displina tuir regras no oinsá sector sira ne’ebé intrega iha munisípiu Baucau halo nia fungsaun ho diak.
S.Excia ministru Administrasaun Estatál, Dr. Valentim Ximenes ho ekipa PNDS halo vizita ba Sistema Be’e Mos iha Suku Gariuai, Aldeia uiabiana, Munisipiu Baucau.
Iha parte seluk mos ministru, kompromete sei kontinua Programa Nasionál Dezenvolvimentu Suku ne’ebé servisu ho kapás ba komunidade sira iha baze tanba programa ne’e fó retornu ne’ebe diak tebes ba komunidade, maibé sei muda ninia estatutu ne’ebé diak liu tan husi sekretáriu estadu ba fali ajénsia autonom ida iha Ministériu nia laran hodi bele presta servisu di’ak liu tan.
Iha enkontru ne’e mos S.Excia Ministru da Administrasaun Estatal, Valentin Ximenes halo vizita ba Sistema Be’e Mos iha Suku Gariuai, Aldeia uiabiana, Munisipiu Baucau ne’ebe sai preokupasaun komunidade iha suku refere maibe ekipa enjineiru nasionál no munisípiu baucau bele rejolve preokupasaun husi komunidade sira konaba prosesu manutensaun ne’ebé, agora dadaun PNDS hala’o ona koordenasaun ho setores iha Nivel Nacional Nomo’s komesa dadauk ona ba iha Nivel Munisipiu atu integra prosesu Manutensaun ba Projetu hotu ne’ebé maka implementa husi PNDS ba iha Linha Setorais. Ba Sistema Be’e Mos sein Intrega ba iha SAS Munisipiu liu husi Grupo Maneija Fasilidades (GMF) nebe’e maka estabelese ona husi DNSA.
