Ministru Administrasaun Estatal, Orienta ba ekipa PNDS atu aselera servisu ne’ebe implementa iha RAEOA.
Ministru Administrasaun Estatal, Tomás do Rosário Cabral Akompaña husi Sekretáriu Ezekutivu PNDS, Amandio Paulino Gastão Do Rosário De Sousa hamutuk Chefe Gabinete MAE, Benigno da Cruz hala’o vizita terenu ba Rejiaun Administrativa Espesial Oe-Cusse Ambeno.
Diretor Servisu Munisipiu Apoiu PNDS RAEOA, halo esplikasaun ba Ministru.
Ministru Administrasaun Estatal ho Delegasaun konvoka reuniaun ho Ekipa PNDS RAEOA, Diretores Servisus Munisipais, Xefe Suku sanulu resia ualu nomo’s Xefe Aldeia iha salaun enkontru PNDS-RAEOA, hodi ko’alia kona-ba progresu implementasaun Programa Nasionál Dezenvolvimentu Suku husi tinan 2022 to’o 2024 iha Rejiaun Administrativa Espesial Oe-Cusse Ambeno (RAEOA).
Partisipante sira ne’ebe partisipa iha enkontru hamutuk Ministru Administrasaun Estatal.
Iha intervensaun Ministru Administrasaun Estatal, fó orientasaun ba Diretór PNDS RAEOA atu hasoru malu ho Xefe Suku sira inklui fornesedor hotu-hotu atu aselera no finaliza lalais projetu PNDS nian antes fulan Dezembru tinan ne’e remata, no projetu hirak ne’ebé seidauk finaliza ka seidauk implementa iha tinan ida ne’e nia laran, sei dada hikas orsamentu ne’ebé restu fila fali ba kofre estadu no prepara fali implementasaun ba tinan 2025.
Ministru Administrasaun Estatal mos hatutan katak, reuniaun ohin ne’e atu halo ponto de situação ikus ba Projetu PNDS 2022-2024, Projetu PNDS 2022 nian remata tiha ona, projetu PNDS 2023 nian besik remata ona, ohin ami-nia konsesus sei entrega iha 23 Novembru tinan ne’e, no orsamentu ne’ebé restu sei fila hotu ba Kofre Estadu. Projetu PNDS 2024 sei finaliza iha 16 Dezembru tinan ne’e, no sira prepara fali implementasaun ba tinan 2025.
Iha biban ne’e, Sua Exelénsia MAE husu mós ba Xefe Suku sira atu halo preparasaun hodi selebra aniversáriu da-49 Proklamasaun Independénsia, ne’ebé sei realiza iha Rejiaun Administrativa Espesial Oe-Cusse Ambeno ho tema prinsipal ne’ebé Konsellu Ministrus deside no aprova mak “ – ?? , , – ”.
