Projetu bee mos ho sistema bomba ne’ebé konstrui iha suku Beco, Munisipiu Covalima konstrui ho orsamentu governo ne’ebé aloka liu husi implementasaun programa PNDS, Projetu refere finaliza ona no hetan inagura husi Ministru Administrasaun Estatal Valentim Ximenes (24/11/2017)
Ministru Administrasaun Estatal, Valentim Ximenes hafoin inagura projetu nee ba komunidade hateten Programa Nasional Desenvolvimentu Suku fo lisaun lubukida ba komunidade atu iha kapasidade organizativa hodi hakbi’it komunidade liu husi sira nia partisipasaun iha prosesu desenvolvimentu iha Nivel Suku, lisaun seluk husi programa PNDS mak bele hasa’e rendimentu familiar mesmu sente ka la sente no konsiente ka lae maibé projetu bee mos nee bele aumenta rendimentu familiar liu husi kuda modo.
Ministru MAE, Valentim Ximenes Asina Plaka Inagurasaun Bee Mos Suku Beco.
Tanba nee ministru husu atu komunidade sira uza no aproveita ho didiak be’e ne’ebé konstrui ona iha suku Beco, no tengki organiza malu hodi serbisu maka’as atu bele kria aktividade ne’ebé bele hamosu rendimentu ekonomia familia uma laran.
Entertantu Administrador Munisipiu Covalima Afonso Noguera Nahak husu atu komunidade sira kuidadu didiak bee nee no tenki halo gestaun didiak ba bee nee hodi uza ba nesesidade komunidade nia iha suku ida nee ba tempu naruk.
Autoridade Lokal Suku Beco, Mateus do Nasimentu hato’o agradesimentu ba governo tanba bele responde ona komunidade iha suku nee nia difikuldades kona-ba falta bee mos, nune’e nia promete sei organiza komunidade hodi halo kontribuisaun atu tau atensaun ba manutensaun bee nee iha futuru.
-
- Ministru MAE, Valentim Ximenes, Koa Fita simbolu Inagura Bee Mos iha Suku Beco, Covalima
-
- Ministru MAE, Valentim Ximenes Asina Plaka Inagurasaun Bee Mos Suku Beco
-
- Ministru Koko loke Bee iha Tornera Publiku neebe distribui ona ba komunidade
