Quadro projetu konstrusaun moru ba klinika.
Ministru Administrasaun Estatal Tomás do Rosário Cabral, ne’ebe akompaña husi Sekretariu Ezekutivu PNDS, Amandio Paulino Gastão do Rosário de Sousa, Eis Xefe Estadu Maior Jeneral F-FDTL, Tenente Jenerál Reformadu, Lere Anan Timur, Brigadeiru Jeneral João Miranda “Aluc”, no Brigadeiru Jeneral Partisipa Selebrasaun loron Mundiál Semana Oseanu 2025.
Ministru administrasaun Estatal ne’ebe akompaña husi Tenente Jenerál Reformadu Lere Anan Timur, vizita Centru Saude ne’ebe implementa husi PNDS.
Iha diskursu ba selebrasaun ba Loron Semana Oseanu ne’e Ministru Administrasaun estatal hatete, Loron Mundiál Semana Oseanu ba tinan 2025 ho tema Furak tebes ne’e atu dezeña no hasa’e konxiensia komunidade nian kona-ba importansia atu proteje no hadomi ambiente liu husi labele soe fo’er arbiru, inklui hametin komunidade sira nia partisipasaun iha sustentablidade ambientál.
Selebrasaun ba Loron Mundiál Oseanu 2025 ida ne’e maka “Furak Tebes! Tane aas buat ne’ebe tane ita” tema global ida ne’e atu fo hanoin katak nasaun hotu-hotu hola parte iha buat ida ne’ebe bo’ot liu no apelu ida bá Governu hotu-hotu atu labele haluha Maravilla Tasi nian.
Alende partisipa iha selebrasaun Loron Mundiál Oseanu 2025 iha Munisipiu Lautem Ministru Administrasaun Estatal, hala’o vizita terenu ba projetu Programa Nasional Dezenvolvimentu Suku hanesan rehabilitasaun Centru Saude ne’ebe implementa ba Siklu 5 iha Suku Com no konstrusaun ba moru protesaun haleu klinika ne’ebe finansiamentu hosi PNDS ho total orsamentu $45.788,45.
Selebrasaun Nasional Oseanu ida ne’e marka prezensa mós husi Diretor Jerál no nasional sira husi Ministériu Administrasaun Estatál, Diretór Servisu Munisipal sira, Autoridade Lokal no Komunidade sira.
